طبعاً سمعت عن مجال البورصة واوقات كتير بيبقي نفسك تشتغل فيه بس مش عارف ممكن تشتغل ايـه .. في المقالة دي هتعرف 5 وظائف ممكن تشتغلهم في البورصة
كتب : محمد الهلاوى
1 – المستثمر: ده شخص عنده فائض عن حاجته من النقود و عايز يتسغله بدل ما يحطه في بنك ولا تحت البلاطة ، فبيروح يشتري أسهم بسعر ثم بيبيعها بسعر أعلى ليستفاد من فروق الأسعار ، و طبعا كلما كان المبلغ أكبر ده بيدي مساحة أكبر من الاستثمار و بالتالي عائد أكبر في حالة السير في طريق صحيح.
2 – المحلل الفني: ده شخص بيقوم بدراسة حركة الأسهم من خلال الرسوم البيانية اللي بتبينة نفسية المتعاملين في السوق ، و اللي منها بيقدر يتوقع حركة السوق في الفترة القادمة.
3 – المحلل المالي: و هو شخص بيقوم بدراسة القوائم المالية للشركات و بيقوم ببعض الحسابات و بعض النسب اللي يقدر منها يتعرف على أداء الشركة و يقارن ده بالقيمة الحقيقية لسهم الشركة فينفس الوقت عشان يشوف لو كان السهم مقيم بأكبر من حقه يتوقع إن قيمته هتنزل ، و لو السهم مقيم بأقل من حقه يتوقع إن السهم هيطلع.
4 – المتاجر(التريدر): هو أكتر شخص بيتعامل مع أوامر البيع و الشراء لأنه هو اللي بيقوم بتنفيذ التوصيات الموجودة في التقارير الفنية أو المالية ، و ده بيخليه أكثر حساسية لأهم المناطق السعرية في حياة السعر و كذلك التوقيتات الأدق للبيع و الشراء.
5 – مدير الحسابات: هو شخص يعتبر حلقة وصل ما بين المحللين و المتاجرين لأن هو اللي بيكون أكثر دراية بحجم محفظة كل عميل و ما يناسب كل عميل من صفقات و حجم كل صفقة عشان كده هو اللي بيدي المتاجرين الأوامر اللي ينفذوها.
شوفت بقى إن فيه نص كوباية مليان إزاي بس ممكن متكونش واخد بالك منه ، حدد طريقك و أنت أكيد بتوفيق ربنا هتوصله ،
