كتب :- عبدالسيد ياسين
زوي الاحتياجات الخاصة من أهالي قري البريجات ودمشلي وعلقام يصرخون ويانون ولسان حالهم يقول بكل حسرة ومرارة وشعور بالظلم والقهر
انا مش عارف الواحد يعمل ايه ؟
كل شيئ حولي لا يبشر بخير مازال في اهمال وتهميش وظلم لزوي الاحتياجات الخاصة اصحاب الاعاقة بمختلف انواعها وحرمانهم من ابسط حقوقهم وهي وجود مصدر رزق لهم من خلال توفير وظائف حكومية مناسبة لهم
انا اكتر واحد حاسس بمعاناتهم لاني منهم واحد منهم تجرعت الظلم والقهر والاهمال والتهميش لهم
حتي المسابقة الاخيرة اللي كانت معموله لزوي الاحتياجات الخاصة مكانتش عادلة تماما
مفيش حد من اهالي قري البريجات ودمشلي وعلقام التابعين للوحدة المحلية بالبريجات حصل علي وظيفة من زوي الاحتياجات الخاصة
ولما سالنا وتقصينا ما السبب في ذلك كان الرد
” احنا مش حايشين عنكم الوظائف لكن احنا لما جينا نوزي زوي الاحتياجات الخاصة راعينا انهم يشتغلو في اقرب مكان لهم وانتم تابعين للوحدة المحلية بالبريجات واللي كان متوفر فيها عدد 23 وظيفة لكن اخدوهم اللي كانو متعاقدين في مشروع توزيع الخبز ومفيش اماكن لكم انتظرو لما يتوفر ليكم اماكن جديدة ”
مع العلم ان اللي كانو متقدمين في مسابقة زوي الاحتياجات الخاصة كان عددهم ما يتعداش 10 افراد في الثلاث قري التابعين للوحدة المحلية بالبريجات
مع العلم ان السادة المحترمين اللي كانو شغالين في توزيع الخبز فيهم اولاد موظفين موجودين في الوحدة المحلية ودخلو علشان ليهم ظهر
” يعني وراثة غير شرعية للوظيفة الحكومية ”
هو كل موظف اقترب انه ينحال علي المعاش بيدخل ابنه مكانه
” ابن الموظف بيكون موظف ”
والغلابة اللي زينا لهم ربنا .
