كتب / رؤوف قـــنـــش
نظم عمال بمجلس مدينة جمصة وعددهم 92 عامل وذويهم وقفة إحتجاجية امام مبنى محافظة الدقهلية وذلك إعتراضا على قرار تشريدهم المأسوى من وجهة نظرهم وأصبحوا فى الشارع والأن ليس لهم مورد رزق آخر ولا يعرفون سببا وجيها لهذا التعسف تجاههم .
والأن مع رأيهم فى هذا القرار الذى اودى بهم للشارع ويطالبون بحقوقهم بالعودة للعمل .
فى البداية يقول عزمى ابراهيم سيد احمد أنا شغال فى مجلس مدينة جمصة أنا و91 عامل بقلنا أكثر من اربع سنوات ونفاجأ بأن رئيس مجلس المدينة والموظفين إللى معاة بينبهوا علينا إن إحنا ليس لنا مكان من يوم 31 / 12 / 2015 لمدة 10 أيام حتى تكون حجة بأننا إنقطعنا عن العمل بارادتنا ويبقى كدة يتم فصلنا ويبعدوا تماما عن المسئولية ويبقى السبب من عندنا والفصل يبقى مسبب وإحنا السبب فية وأضاف لقد قمنا بتحرير محضر فى مركز شرطة مدينة جمصة بهذة الواقعة وبعد ذلك لما مأمور المركز قام بالتأشير على الشكوى تلقى تليفون وقال يا جماعة أنا علية ضغط كبير ولغى التأشيرة التى وقع عليها وأضاف ذهبنا يوم السبت لرئيس النيابة فى بلقاس وأحضر التأشيرة وقال ليس من حقة الإمتناع على التوقيع على المحضر وقال نحن 92 عامل ما بين زراعى نظافة كهربا ومياة وفى سياق متصل قال أقل واحد فينا خدم 7 سنوات والناس المفصولين ليس لهم مصدر رزق الا الشغل دة هنروح فين ونأكل ولادنا إزاى شوفوا لنا حل .
ويقول محمد السعيد سائق بمجلس المدينة من سنتين إنقلب جرار خاص بالبلدية علية ومافيش أى حد من المجلس سأل علية خالص وزملائى هما إللى جابوا لى العلاج من جيوبهم وقال أيضا بسبب الحادث دة قمت بيع اساسى وقطعت من قوت عيالى وصرفت حوالى 40 الف جنية على إيدى والله حرام إللى بيعملوة فينا دة وكل اللى أقدر أقولة حسبى الله ونعم الوكيل فى كل ظالم وأضاف حرام لما يبقى 92 اسرة بتدمر بالشكل دة بسبب جرة قلم من مسئول مش عارف ربنا ومخلوق زى زية .
العامل محمد مصطفى راشد من عمال مجلس مدينة جمصة يقول أنا بقالى 11 سنة فى المجلس وبطلب بحقى أنا وزملائى المفصولين ودة أبسط حقوقنا وعايز أعيش زى الناس واربى أولادى .
ويقول احمد صالح محمد صالح سائق بالمجلس ليسانس دراسات إسلامية جامعة الأزهر أنا بقالى 4 سنوات وأعمل سائق فى المجلس وللأسف الشديد يقدموا لنا الوعود بالتثبيت وكلهم بيضحكوا علينا والعقود حضرت فى 2012 وإحنا شغالين وقالوا ما فيش عقود وباعوا العقود لأقربائهم ومحاسيبهم وكلة من تحت الترابيزة والعقد باعوة بمبلغ 5000 جنية وقمنا نتكلم ونشتكى قالوا من ضحك عليكم وقال إن فية عقود من الأصل مافيش عقود .
