أنا المصرى

كتب: اسلام حمدى السعيد

انٍـتم ليه مش مصدقيٍــْن انى مصـرى انا بمشى جنب الحيط و مبفتحش بوقى . عرفتوا بقى انى ‫‏مصٍـْـرى‬ انا ماليش رآى .. و مانيش حر .. صدقتوا بقى انى مصٍــْرى انا خٍـْواف و جبان .. بخاف من الحكومة و الصهاينة و الامريكان . ابقى ايه ؟ .. ابقى مصرى انا مابقتش عروبى و لا قومى .. هما عاوزينى شرق اوسطى..لا ليا داعوة باخويــا‬ و لا ابن عمى..انا بحجـْز بس..ابقى ايه ؟ اكيد انا مصرى انا ما بقاش يهمنى فلان سرق و لا علان نهب .. و لا يهمنى انسان ظلم او اتظلم .. انا مايهمنيش الاسعار تبقى نار .. بسكت و لا بنكت و لا بهرى هيه مش كدة ابقى مصرى ؟ انا شايف السرقة و الغش و الرشوة و بلوث مية النيل باديا و لا اختشى .. ايقنتوا دلوقتى ان انا مصرى؟ انا قوى و بستحمل..و بستعبط و بسوق الهبل..و بسوق لحد اسكندرية فى ساعتين و اروح مشوار لحد وسط البلد فى اربع ساعات عشان موكب سيدنا و تاج راسنا و الى انضف مننا..والله العظيم انا مصرى عليا الطلاق بالتلاتة انا مصرى..و طول عمرى عايش فى مصر..يبقى انا مصرى..لان مصر هيا بلدى..و مصرى يعنى مصر دى كلها بتاعتى..و الله العظيم انا مصرى لآ استغفر الله العظيم كنت هكدب..‫أنـا مش مصرى‬ ..لان مصر ما بقتش بتاعتى.. مصر كدبتنى و خونتنى و هدتنى و شحتتنى و قهرتنى و كممتنى و طرشتنى و استعمتنى.. طب و كتاب الله…هو اى كتاب فيهم ؟ انا نسيت.. اصل الحكومة كمان كفرتنى . ‫‏وجع مصري‬