أخبار عاجلةأخبار مصرأهم الاخباراسليدرالتقارير والتحقيقاتاهم المقالاتحصرى لــ"العالم الحر"

بالصور / زحام في الوباء إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ [الرعد:11]

كتبت الصحفيه /  رشا محمد سعد الدين

مصدومين ان في ناس في الشوارع ليه ؟ اذا كانت الدوله قللت  الحظر ساعه والمسؤلين بيتفقدوا حال الناس وهما بيشتغلوا تحس ان في لعبه وان في حاله من الازدواجيه تحس كده ان الدوله يا عينى مغصوب عليها وهي بتعمل الإجراءات  القليله ديه يعنى بالعافيه علقت الدراسه وبالعافيه وقفت السياح ومنعت الطيران لولا زن الناس اللي خلاها تتحرّك متأخر.. مش عارفه ده متعمد ولا غباء. الإجراءات  اللي اتخدت تعتبر الحد الأدني من الإجراءات التي اتخذتها دول الجوار. تلاقى ان الكلام اتغير عن الاسابيع  السابقه الاولي الزم بيتك دلوقتى الاقتصاد والدوله زي ما طلع علينا اللي ربنا يخدهم رجال أعمال يقولوا العمل أهم من المكافحة، صبور وساويرس وغبور، تشعر ان الدولة وقفت في المنتصف ومحبتش تزعل حد..ماسكه العصايه من النص عايز إجراءات؟ ..اتفضل.. لكن اجراءات  عقيمه لا رفع نسبة الفحص زي كل دول العالم، ولا هنصرف ولا  هنطور المستشفيات ولا خطة قومية شاملة زي بتاعة الطرق والكباري ولا بناء تفريعة قناة السويس ولا بناء العاصمه ولا حصل اى تغير في القطاع الصحي سواء الإنشاءات اوالكوادر الا ما سمعنا ولا شوفنا عن جهاز تنفس جيه لمستشفي ولا سمعنا انا الدوله فرقة ع الناس كمامه ولا جوانتى ولا كحول لكن طبعا سمعنا عن كمامات وغيره هديه الى ايطاليا .. كل الحكايه شوية منع واغلق، وبالإيد التانية بتفتح محبس الإنتشار وكأن  الدوله بتقولك بصريح العبارة خسائر الإقتصاد أكبر من خسائر كورونا، نمر علي المشاريع القومية، وهنخفّض لك ساعات الحظر ساعة كمان عشان تتمشي براحتك في الشوارع يا مواطن اللى اساسا انت عاوز تنزل عشان لقمة عيشك هيعمل إيه المواطن يعنى؟ الشوارع مفتوحة أمامه، والأسواق مرخصّة، والحكومة بتقوله انزل اشتغل، واحنا فقراء وملكش عندنا قرش لو عطلت في البيت، ورجال الأعمال الكيوت اللي ما طلعوش جنيه من جيبهم هيسرحوك ويخفضوا مرتبك؟ لاء وهينتحروا لو اتمد الحظر وايه يعنى لما شويه يموتوا عشان الاقتصاد يمشى والعجله تتحرك. طبعًا هيتحرك ويشوف أكل عيشه، ووباء بوباء، وسيبها علي الله، عادى احنا عندنا العلاج المتين الشلولو زي طلع علينا العلامه بتاع الشلول قال كده حتى لو دخلنا في نفق اسود من الوباء كارثه هيطلوا علينا ويقولوا وزيرة الصحة قالت . الدولة عملت اللي عليها والمواطن ملتزمش كل سكان الكوكب والكواكب المجاوره لو وجدو  الشوارع مفتوحه ومافيش اجراءات  قويه والضوء الاحمر بالنزول هينزلوا احنا شعوب مش ابتليت بس بجهل هذا الشعب فقط لا وابتلينا بجانب الكورونا بغباء او استهتار المسؤلين ..

Facebook Comments

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
%d مدونون معجبون بهذه: