( للحزن في قلبي مكان )

كلمات الصدق

فارس الليل الحزين

محمد عطية محمد

أحلام بتسكنا نخاف أوهامنا في المحني عجاف

والليل بيمحي كل نور

دقت طبول الإختلاف

الدمعة مرساها العيون

والهم عشش علي الغصون

والخوف ملامح في الوشوش

والحزن فينا بألف لون

بعزل خيوط العنكبوت

أيام تعدي سنين تفوت

والنار بتحرق في القلوب

مطر الشوارع علي البيوت

سكينة حاميه الحياه

جرحنا فيها بالف آه

دبلت ورود كل الحاجات

ومعدتش في بر النجاه

خايفين وخوفنا كاللجام

كسر القلم طار الحمام

كل اللي فينا مانفهموش

هيفيد بايه صوت الكلام