بقلم محمود فؤاد

العملية نجحت بس المريض مات

وقصور إنبنت وصحبها صبحوا ذكريات

إرجع لربك وسيبك م إللى فات

الدنيا مهما طالت م نِقضيها ساعات

ولو كنت ظالم إستغفر التواب

دعوة المظلوم لها ألف حساب

بكرة تقول يا ريت إللى جَرى ما كان

وإنت ف قبرك والكتاب م الذنوب مليان

دنيا الحرام هى اللى منصورة

والحقيقة واضحة م غير صورة

ميملاش عين إبن أدم إلا التراب

ولو كان رزقة له ألف باب

تلاقية ساير ما بين الناس

والحقيقة قلبه مفهوش إحساس

فاكر كل شئ ملكة

والكل سمعاً وطاعاً لشورته

عايشين فى غابة كلها ديابة

تاكل وتنهش فى قلوب الغلابة