بقلم رمزي دحرج
شيخ البلد يا حاميها
انت اصلا حراميها
ناهب خيرها و اراضيها
ازاي بقي تبقي حاميها
شيخ البلد يا حرامي
بتقول علي نفسك عصامي
جبت العصمه دي منين
و انت طويل الايدين
و عمال تسرق في ارضي
و كمان هتكت عرضي
يا حرامي الاراضي
ابعد عني و انا راضي
و سبني بقي في حالي
دا انا حالي ماهو حالي
ارفعوا ايديكوا عني شويه
و كفايه سرقه بقي في ارضي
علشان اعرف ازرع قمحي
يا حراميه الاراضي
قلبي عليكوا ماهو راضي
انت فين يا قانون
و فين حق المظلوم
انت فين يا ضمير
و للا انت محتاج لضمير
ايوه انت محتاج لضمير
و كلامي ليك يا مشرع
ياللي في المجلس بتشرع
قوانين للحراميه
و يا اااااااااااا سلام
علي نقابه الفلاحين
دي ملجأ للتعابين
الحراميه الهباشين
للكيماوي
…. والتقاوي
……….. و الاراضي
لكل دول سارقين
يا عيني عليك يا فلاح
يا مسكين
يا قلبي عليكي يا مصر
سرقوكي في عز الضهر
و هي الشمس طالعه
ماخفوش من النار الوالعه
اعدت للمجرمين
نار وقودها الناس و الحجاره
جاهزه عند رب العالمين
رمزي دحرج

اخر المقالات

أخبار مصر
مقالات واراء
مقالات واراء
لي لي فؤاد بعد قرار حبسها.. تفاصيل فيديو الخادمة والمصحف
أخبار مصر
حمو المرشدي بعد فيديو تقبيل صديقه.. تفاصيل منعه من الغناء
أخبار مصر
مقالات واراء

منطقة المحررين