براحتك يا على اللي انت عاوزه بس الراحة حتيجى منين يا على ليك حاسس انى حيران ومخنوق حاسس انى من جوايا ظالم هون على نفسك قولوا حاجة يا جماعة ولا انتوا عاوزين تعرفوا سها بتعمل ايه وفريال ووليد ما تيجوا نشوف والحلقة الثامنة عشرة من مسلسل قسمة على اتنين يارب يعجبكم
نهى على
مسلسل قسمة على إتنين قصة وسيناريو وحوار / نهى على طه الحلقة الثامنة عشرة مشهد (1) نهار خارجى / منزل بدر الدين / الشرفة الأمامية عامر يعدل منظاره وينظر لعينى سها فى دهشة وفى نبرة تعجب : معقولة يا سها ترفضى ثروة زى دى عشان إيه هو حد مزعلك سها تهز رأسها سلبا وتحاول أن تبدو طبيعية سها فى نبرة عادية مفتعلة : إستاذ عامر دا قرارى وأنا مرتاحة كدا الولدين معايا عاوز يصرف على بن أخو براحته مش عاوز ربنا يقوينى بس يا ترى شغلى ممكن أرجعه تانى عند حضرتك ؟ عامر يهز رأسه فى حماس ومحبة : طبعا دا مكتبك إنتى تلميذتى وبعتبرك زى بنتى بالظبط وعشان كدا عاوزك تفكرى دا قرار مصيرى سها فى نبرة شجينة : فكرت ودا قرارى عامر فى رضوخ : تمام بس إنتى حتنتظرى شهرين لانى مسافر إن شاء الله مهمة خارج البلد ولما أرجع نسوى الأمور المادية وتاخدى الشيك الأول عن السنة إللى قضيتيها مع على بدر الدين قولتى إيه سها تطلق تنهيدة وفى رضوخ للأمر : أوكيه يا إستاذ عامر إللى تشوفوا عامر ينظر لسها وفى عيناه نظرة إشفاق ــــــــــ قطع ـــــــــــــــ مشهد (2) ليل داخلى فيلا بدر الدين / حجرة نوم يسرية يسرية جالسة نصف جلسة على فراشها وقد وضحت عليها معالم التعب الدادة فكرية واقفة أمامها بقرص الدواء والكوب فكرية تناول يسرية القرص وفى دعاء : بالشفا يا ست هانم يسرية تأخذ الكوب والقرص وتشير بيدها فكرية فى فهم : خالد بيه يسرية تشير مرة أخرى فكرية : وأدم بيه عاوزاهم لسه فى شرم مع الست سها ربنا يجيبها بالسلامة فكرية فى إمتداح : والله دى حتته سكره يا هانم كانت عاملة حس لبيت يسرية تشير بيدها : الست ساره أه قالت صح إنها حتسافر بكرا هى وسى وليد ليهم لكن دكتور على لأ باين مشغول هو الست نادين يسرية تنظر لها وتشير فكرية فى إيجابة وفضول : سمعت الست نادين بتجيب سيرة حفلة كبيرة ناوية تعملها أخر الأسبوع دا عشان عيد ميلاد دكتور على وفى ناس إصحابهم من بلاد برا جاين الحفلة دى يسرية تهز رأسها هزة خفيفة وتطلق تنهيدة قصيرة ـــــــــــــ قطع ــــــــــــــ مشهد (3) ليل خارجى / فيلا بدر الدين / الشرفة الأمامية الكبيرة على واقفا فى الشرفة والموبايل حول أذنه على فى نبرة محبطة : نايمة طب يا فريال أنا كنت بطمن على صحتها بقت أحسن طب الحمد لله على فى تنبيه : فريال بلغيها إن المدارس أول الأسبوع الجاى يعنى كفايا كدا وتيجى مصلحة الأولاد وأظن هى غيرت جو أوكيه بوسيلى الولاد أه وليد وسارة حيكونوا عندكم بكرا تصبحى على خير على يغلق الموبايل ويزفر فى ضيق ويدخل من الشرفة ـــــــــــــ قطع ــــــــــــــــ مشهد (4) ليل داخلى / منزل بدر الدين / الرسبشن الصغير سها جالسة مع فريال تشاهدا التلفاز فريال فى عتاب : طب ليه مكلمتهوش دى أول مرة يقول أكلمها سها فى نبرة سخرية ويأس : لا والله فيه الخير هو كان عاوز يكلمنى عشان يسمعنى الكلمتين دول كالعادة أوامر ومحاضرة من المحاضرات وأنا عرفت المطلوب أرجع من شرم حاضر فريال فى نبرة دهشة وتساؤل : إيه إللى يئسك كدا من يمته ما إحنا كنا رسمين خطة سها تلوح بكفها وفى نبرة مرارة : مالهاش لازمة لا عمره حيرجع ولا حيفكر فيا ولا فاكرنى من الأساس أنا ماضى والماضى مبيرجعش إفهمى حبه نادين وعشقه نادين وحاضرة نادين وإللى مكمل معاها نادين أنا صفر على الشمال طب لازمته وجع القلب والدماغ تشبع بيه أنا مش حكمل ومش عاوزة نقاش فى الموضوع دا فريال فى تحفيز ومكر خفى : على قولك هى خسرانه خسرانه بصراحة ست شاطرة عرفت تفرسك وتعيكى وتطفشك من البيت وحعمله لبسلامته حفلة عيد ميلاد أخر الأسبوع بس كلام فى سرك هى أكيد عاملها كيدا فيكى وإنتصارا عليكى وليد قالى دا صارفة شىء وشويات سها تنظر لها فى غضب شديد وتحاول كتم غيرتها : مبروك عليها عريس الخفه فريال تزيد من لهجة التحفيز : صح ربنا يهنى سعيد بسعيده وخلينا نلم شنطنا ونوطى رأسنا وننسحب بقلة كرامة سها تعترض وتنهض وفى عصبية : قلة كرامة إزاى فهمينى طبعا لما تنسحبى بالطريقة دى قلة كرامة لما مترديش إهانتها وكلامها إللى زى السم وإنتى عيانه قلة كرامة وخوف لما تسبيها تكيد فيكى قلة كرامة حتبعدى عن جوزك إنتى حرة بس تبعدى وإنتى راسك مرفوعه مش مغصوبة وإنتى حرة بقا سها تنظر لفريال نظرة طويلة وفى لهجة تساؤل وإهتزاز موقف : وضحى أكتر فريال تبتسم وتجلس سها وفى همس وخبث طرطئى ودانك على الأخر ـــــــــــــــ قطع ـــــــــــــــــ مشهد (5) نهار خارجى فيلا بدر الدين / حوض السباحة نادين تسير مع على وقد تأبطت ذراعه على مرتديا ثياب الخروج نادين فى إيصاء : بيبى طيارة أصدقائنا حتوصل المطار الساعة 3 عصرا يعنى إنت لازم تبقى هناك قبلها بساعة على الأقل على فى هدوء : أوكيه على فى تساؤل : سارة ووليد سافر من بدرى مش كدا ؟ نادين فى عدم إهتمام : أه على فى توضيح : أنا حأكد على وليد إن الولاد يجوا لازم يحضروا الحفلة نادين تعقد حاجبيها فى ضيق وفى تساؤل وإستنكار : ليه ؟ على ينظر لنادين وفى هدوء وجدية : عشان أنا بحافظ على الشكل الإجتماعى قدام الناس وأنا وعدتها بكدا وهى ملتزمة بكلامها معايا مبتخرجش إلا بأذنى وعارف رايحه فين وجاية منين وحتى السفر إستأذنت فيه و….. نادين تقطع عبارته فى ضيق أنثوى : إنت حر إعمل إللى إنت عاوزه نادين تترك على وتدخل إلى الفيلا على يزفر فى ضيق ويأخذ الحقيبة الجلدية وينصرف ـــــــــــ قطع ـــــــــــــــ مشهد (6) ليل خارجى / شاطىء البحر فريال جالسة عند الشاطىء وبجوارها وليد صامتا ينظر إلى البحر فى شرود وحزن فريال فى تساؤل : مالك يا وليد بقالك ساعة قاعد سرحان فى إيه وليد لا يجيب فريال تقترب من وجهه وتلاحظ أثار الدموع فى عينيه فريال فى لهفة صادقة : إنت بتعيط بجد فى إيه وليه بتبص لبحر كدا ؟ وليد يمسح دموعه بسرعه وليد فى نبرة مختنقة : إنتى عارفة بقالى قد إيه مجتش شرم خالص أكتر من عشر سنين فريال فى دهشة وسؤال : ليه وليد فى نبرة حزن كبيرة : عشان أخر مرة جت فيه هنا راحت منى أغلى إنسانه عندى غرقت فى البحر وأنا كنت السبب فى غرقها وموتها فريال تنظر لوليد فى إهتمام وإشفاق قوى وفى نبرة حنان : فضفض يا وليد إتكلم أنا حاسة إن عندك عقده ومش عاوز تقولها وليد ينظر لفريال والدموع محبوسة داخل عيناه وفى مرارة حقولك ــــــــــــــ قطع ــــــــــــــ مشهد (7) ليل داخلى / منزل بدر الدين / حجرة نوم سها سارة جالسة مع سها تتحدثا سارة فى محاولة إقناع : متحضريش ليه هو إنتى عاوزة عزومة يا سها إنتى زيك زى نادين بالظبط سها فى نبرة شجينة : لأ مش زيها يا سارة ومن فضلك بلاش الموضوع دا وفى إيصاء وقلق : الولاد خدوهم معاكوا وأنا ححصلكم بعد الحفلة أنا وفريال إن شاء الله بس خلى بالك منهم وخالد ميأكلش حلو كتير والحقنة تعطيه له فى ميعادها الله يسترك الولد تعبان سارة فى سرور حقيقى : إنتى ولا تكونى مامته سها فى صدق : أنا أمه زى أدم بالظبط الإتنين غلاوة واحدة عمرى ما فرقت عندى ولدين لودى حبيبى و أدومه روحى وربنا يباركلى فيهم سارة تبتسم وفى تساؤل : هو وليد وفريال إتأخروا ليه سها فى هدوء : زمانهم جاين تعالى نحضر أى وجبة خفيفة سارة فى حماس : يالا ــــــــــــ قطع ــــــــــــــــ مشهد (8) ليل خارجى / شاطىء البحر فريال تأخذ وليد فى صدرها وتربت على ظهره فى حنان بالغ وليد يبكى كالطفل الصغير ويجهش بقوة وليد فى صوت مؤنب لنفسه : أنا إللى غصبت عليها تنزل تعوم معايا وهى ما كنتش بتعرف قولتها متخافيش حعلمك جمدى قلبك ونزلنا وكانت خايفة وأنا أضحك وماسكها لحد ما جت موجه كبيره فقدت فيها توازنى ومرة واحده البحر بلعها خدها منى يا فريال فريال تطلق تنهيدة وتربت على ظهره وتقبل رأسه وليد يهدأ ويبعد رأسه وجسده عن صدر فريال ويمسح دموعه وفى صوت ملىء بالإنكسار مرارة العلقم : كنت حتجنن كرهت كل حاجة حتى نفسى حاولت أنتحر بس طلعت جبان وماكنش قدامى غير إنى أشرب مخدرات وأنسى أعيش الحياة لاهدف ولا أى شىء فى الدنيا وأهلى ميعرفوش عنى حاجة من زمان وأنا بالنسبه لهم نكره شاهر الكل فى الكل ومن بعده على وسارة تافهه مالهاش فى شىء أما وليد محدش يسأل عنه ولا يقوله حالك إيه فريال تنظر لوليد وتمسح دموع سقطت من عينيها وفى نبرة هوادة : كل دا شايله يا وليد دا إنت جبل يا جدع قال وأنا إللى فاكرة إنى جامدة دا إنت طلعت جامد قوى وليد ينظر لفريال فى تأمل وتمعن وفى صدق : عارفة إنك فيكى منها يا فراولة صدقينى فريال تحاول مزاح وليد : وعشان كدا قربت منى وأنا إللى كنت فاكرة إنك بتحبنى قال وليد فى صدق : لأ بحبك إحنا الإتنين حلوين قوى مع بعض فريال تربت على كتف وليد وتمسك كفه وتشده ليقف وفى مساندة وأصالة : طب يالا هات إيدك وخلينا نروح جتك نيلة طيرتلى السيجارتين وخلتنى أفوق وليد يضحك بقوة وفريال تشاركه الضحك ـــــــــــــ قطع ــــــــــــ مشهد (9) ليل خارجى / فيلا بدر الدين / البوابة مضائة ومزينة بالمصابيح الملونة والزينة ـــــــــــــــ قطع ـــــــــــــــــ مشهد (10) ليل داخلى / فيلا بدر الدين / الرسبشن الكبير المدعوين متواجدين داخل الفيلا على واقفا بكامل أناقته ووسامته وبجوارة نادين بثوبها الرائع وتصفيفة شعرها الجميلة وكأنها نجمه من نجمات السينما تسلم على المدعوين سارة واقفة مع أدم وخالد وليد واقفا فى حالة ترقب ويطقطق فى ضيق المدعوين ملتفين حول المائدة الكبيرة لإطفاء الشموع على ونادين يطفئوا الشمع وحولهم المدعوين نادين تقبل على وعلى يقبل نادين نادين فى نبرة سعيدة : كل سنة وإنت حبيبى وحياتى على فى حب : كل سنه وإنتى حلوتى …. الأضواء تنغلق فجأه الجميع فى تساؤل ودهشة درج السلم يصعد منه الألعاب النارية الجميع ينظروا ناحية السلم فى شدوه لا مثيل له ــــــــــــــ قطع ـــــــــــــــ إلى اللقاء فى الحلقة القادمة يتبع …………
