كتبت/وﻻء حسن
اعمل ايه يا ناس دلوني
لو أخبي قلمي
أخبي ازاي عيوني
وانا خايفة علي البنات
والقطر اللي فات
ويا عيني ع الشباب
مفيش خطاب
وايه السبب يادي العجب
ع الشغل لفين ومش ﻻقيين
وﻻ حتي سكن والحل فين
والخير في بلدنا كتير
يغطي المحتاج والمسكين
المهم راح لمين
أهو ده السؤال
ومين يجاوب
لما المناصب مشغولين
لو نقضي ع الفساد
ونقف درع مضاد
مصر هتبقي عمار
وﻻ هنشوف من تاني ثوار
ونقول يا بختنا..
ونرجع نبص لنفسنا
نلاقي طال حلمنا
ونشوف شعرنا شاب
واحنا لسة عزاب.
