كتب اسلام البحراوي
** فى بوست الفيلم الامريكى الخاص ببرج التجاره العالمى ..
لما كلمتكم عن مشهد ازاى بيرسلوا لوعى المشاهد انه يحترم ضابط الجيش الامريكى
وقولتلكم دا تمهيد لبوست قادم !
*** الفن بيننا وبينهم
الفن عندنا عامل ازاى وعندهم عامل ازاى ..
بل الاهم هو ..
الفن اللى هما بيعملوه .. ايه الفن اللى بيصدروه لينا
وايه الفن اللى بيحتفظوا بيه لنفسهم
** هما عندهم يعملوا افلام تعظم من دور جندى الجيش والجيش الامريكى
انما يصدرولنا افلام تخلينا نقول يسقط حكم العسكر !
** فاكرين لما كلمتكم من كام يوم ان الاخوان نزلوا فى اماكن شعبيه ناسها غلابه وقالولهم المحطه النوويه اللى هايعملها السيسي هاتجيبلكم سرطان وامراض بسبب الاشعاع ! وفى ناس صدقت؟
ووقتها صرخت وقلت .. التعليم يا ررررريس لان الجهل هايهدم البلد !
*** الصوره اللى قصادكم من فيلم اسمه the 33
بطولة انطونيو بانديراس
فيلم بالنسبه لقصته ورسالته فعلا لازم ياخد اوسكار
بيحكى قصة 33 عامل اتحبسوا فى منجم دهب فى الصحراء ووقع عليهم المنجم وبيحاربوا للبقاء وفضلوا محبوسين اكتر من 60 يوم لحد ما خرجوا !
** الفيلم دا ماكانتش رسالته انك تكون قوى وتحارب من اجل البقاء
لكن رسالته هى اللى كانت فى الصوره قدامكم
التعليــــــــــــــــــــــــــــــــــــم
*** الممثل اللى فى الصوره دا المفروض انه بيمثل دور وزير الطاقه فى الحكومه
اهالى العمال اللى اتحبسوا فى المنجم فى الصحراء .. عملوا اعتصام فى الصحراء جنب المنجم لحين خروج العمال ..
*** بتشوف الفيلم كله ظروف .. عمال محبوسه وبتموت .. حالة طوارىء فى البلد لانقاذهم..عائلات منهاره .. زوجات وابناء بيعيطوا من الحزن على ازواجهم
ورغم كل دا
يخرج وزير الطاقه فى المشهد دا فى نص الفيلم
يوجه كلمه للاهالى المعتصمين فى الصحراء
ويقولهم ان الحياه مش هاتتعطل .. وان الحكومه هاتعمل مخيم فى الصحراء وتعمل جواه مدرسه عشان لو كل اسره من اللى عاملين اعتصام عندها اطفال..الاطفال دول اكيد مش هايروحوا المدرسه .. فيكون فى مدرسه فى الصحراء جنب موقع الكارثه .. عشان الاطفال تتعلم .. ومايفوتهاش التعليم حتى وسط الكارثه !!
*** المشهد دا ياخد اوسكار لوحده
المشهد دا بيمثل غسيل العقل من خلال الفن والاعلام ولكنه غسيل ايجابى
غسيل موجه لهم هما .. لمواطنيهم ..مش لينا
بيغرسوا جوا اطفالهم حب التعليم
بيغرسوا جوا الاهالى اهمية التعليم حتى لو فى كارثه
*** شوفتوا الفن بيعمل ايه
شوفتوا مشهد واحد قادر يزرع ايه جوا طفل او جوا عائله عشان تهتم بالتعليم؟
** شوفتوا المشهد دا بيروج لإيه
وشوفتوا ريهام سعيد لما عملت لقاء مع الولد صبى الميكانيكى لما قالتله انت مش بتروح المدرسه ؟؟ والله وتروح ليه انت راجل كسيب ومعاك صنعه وبتاكل الاكل اللى نفسك فيه
** شايفين الفرق بين الرسالتين ايه؟
هو دا فننا وفنهم .. اعلامنا واعلامهم
دايما الاوسكار بييجى فى لقطه او مشهد
ودايما الرساله اللى بتتوجه للمخ بالسلب او الايجاب بتيجى فى لقطه او مشهد
و هى دى افلامهم والرسائل الموجوده فيها .. وعقبال ما نتعلم ويتعلم المخرجين بتوعنا ومايبقاش كله ماشى على خطى خالد يوسف يتكلم عن الزنا والمخدرات والضياع والجنس والحكومه الفاشله وبسسسس!!! عاوزين فن يقدم حلول مش يختلق مشاكل
اسف للاطاله
E.E
Eslam Elbahrawy
