بقلم…. لميا خطاب
يومك بيضحك
متقولش ازاي
إرسمله وش جميل
عيونه شمسايه
و شفايفه شط لبحر
بيغني لهوايا
و ضحكته مسمعه
كل شطوط الكون
ماهو قلبه دق معايا
و حبني بجنون
يومك بيرقص
علي صوت النايات
تقول دا حزين يا قلبي
أقولك
من كتر ما شاف حكايات
بس قادر
يرقص
ما الطير و لو مدبوح
بيرقص للممات
نجوم السما غيرانه
بتقول أفراحنا كتير
دي فاكره إن احنا
مع السهر رايقين
لو جت في مطرحنا
لعكست الآيه
فضلت تعد النجوم
جايز ترد في يوم
و تقولها المستور
يا تري راح يرجع الغايب
و يجبر الخاطر
اللي علامته عليه
يا قلبي بقي مكسور
