اسليدرمنوعات ومجتمع

يعني إيه ؟

url 948823842 images

كتبت د/ مياده عنتر
يعني إيه كل شويه تقولي ثوره

وفيه مظاهرة في الميدان
إنتوا عايزين فيها فوضي

ولا عايزينها إنقلاب
لما شيخ من شيوخنا

كان له هيبه من زمان
حب يعمل نفسه قومي

وعلي صوته في الميدان
واسمع إنت وهو يا إبني

خطبه مليانه إنقلاب
خطبه فيها دم عادي

كل دا بيكون حلال
يعني أقتل طفل ماشي

ويا صاحبه في النهار
كان في إيده لعبه حلوه

فجأه ساحت بالدماء
ولا أضرب أم ماشيه

في الشوارع والحارات
شايله طفله رضيعه تبكي

إنقذوني يا خلق الله
إرحموني وشيلوا بنتي

دمي ساح وسط الزحام
ما إحنا بيقولوا شعب كافر

شعب ميحبش سلام
وإن دمنا دم فاسد

يعني القتل فيه حلال
يعني إيه ؟
لما يقنع شاب زيك

شاب تايه في الزحام
حب يعمل اسره حلوه

بس معهوش أي مال
راح فريسه لشيخ حارتنا

وريشوه بفلوس حرام
وحضروه دروس في الشريعه

وخطبه جامده في الودان
يعني من الاَخر شاروه

أي ملاليم إديهالوا
تفك كربه والسلام

المهم إن اشتروه
ولبسوه عبوه ناسفه

وأقنعوه الدم عادي
وإن إحنا شعب كافر

يعني الدم فيه حلال
وإن اسمه هيبقي عالي

عند ربه فوق شهيد
وكله في سبيل الجهاد

 لأجل نصره مسلمين
راح مفجر نفسه عادي

 وسط حشد من الحشود
راح خلالها ضحيه جامده

من ابويا وأخوك وأبوك
وكله في سبيل الجهاد

لأجل نصره مسلمين

طيب واللي مات يا شيخنا عادي

مش هندي لأبوه فلوس
أي حاجه تطفي ناره

إن شاله هدمه والسلام
ولا حتي نروح زيارة

نواسي أهله بدمعتين
رد شيخنا وشيخ حارتنا

اللي ميفوتش الاَذان
اللي يخطب في المنابر

خطبه جامده في الميدان
يكش يولع هو وأمه

هو ملهوش اي ديه
يكش فكر نفسه هو

عند ربه مات شهيد
هو حته كلب ميت

عند ربه مات أثيم

يعني إيه ؟
يعني إيه أب يخرج

وهو صايم للجهاد
راح ضحيه كلب كافر

باع ضميره من زمان
وإغتالوه بعبوه ناسفه

وفجروه في لحظه ضياع
ذنبه إيه غير إنه خارج

يسعي رزقه بالحلال
يحمي أرضي وأرض جدك

ويحمي بلدك من الدمار
وأهو مات شهيدنا ومستشارنا

نائبنا العام هشام بركات
وراح ضحيه وهو صايم

في ذكري ثوره والسلام
وراح ضحيه إغنيال

هو إتنين من معاه
ما إحنا بيقولوا شعب كافر

وإحنا أعداء السلام
وإن دمنا دم فاسد

يعني القتل فيه حلال
يعني إيه ؟
يعني إيه دمعه يتيمه

راح سندها من الحياه
تسوي إيه كلمه يا بابا

ومنين أجبها وبكام وفين ؟
يسوي إيه حضن الأبوه

حضن دافي بالأمان
حضن مليان بالحنان

ترمي همك فيه تنام
ياللي فاكرين إن الأبوه

كلمه عادي والسلام
لا دي كلمه كبيره عندي

اسم بابا فيه أمان
تسوي إيه دمعه أمومه

راح ضناها في النهار
وإغتالوه بعبوه ناسفه

وفجروه في لحظه ضياع
مين يصبر قلب أمه

ومين يعوضها الأمان
مين يجيب لها إبن تاني

وحضن دافي فيه أمان؟
ياللي فاكرين إن مصر

فيها فوضي وإنفلات

وإن صوتكوا في يوم هيعلي

في الشوارع والحارات

لا دي مصر عظيمه دائماً

 بإيد ولادها المخلصين

وبكره جيشنا بإيد ولاده

يكون سند للمظلومين

وياخد بطارنا وطار ولادنا

 لكل كلب عميل أثيم

وأي حكم في يوم هيصدر

في لحظه ينفذ للجميع

لأجل ما يكون دمه عبره

 لكل خاين كان عميل

واسم مصر هيبقي عالي

 في المنابر والمساجد

في وش أي خروف ثمين

وأي كلب عميل أثيم 

رئيس النحرير

المشرف العام على موقع العالم الحر
زر الذهاب إلى الأعلى