بقلم رمزي دحرج
يا ليل يا ابو السهاري
احنا يا عيني غلابه
الناس بقت ديابه
بتنهش لحمنا بقساوه
قلوبهم مليانه غباوه
معندهمش ضمير
بيسرقوني عيني عينك
و يقولو لي امشي جنب الحيط
كهربا و ميه و كمان السكر و الزيت
و يقولو الدعم للغلبان
يا ناس انا جالي جنان
و مرتبي طاير هو كمان
مصاريف عيال و دروس و علاج
ولا لاقي رحمه ولا احسان
رحت اشكي للسلطان
رد و قالي اصبر يا غلبان
بكره هذود لك مرتبك كمان
صبرت بكره وسط التجار الجشعه
لا مرتب ذاد ولا جه بكره
يا لهوتي يا دي العيشه المره
عملنا ثوره عشان تركب الحراميه
دي بلدي عايزه من السنين ميه
عشان ترجع لنا و تكون مصريه
و عجبي
