كلمات ” زينب الثاقب
بقول….وبقول ….
وفي كل لحظه هقول
أنا كنت …في بير …هموم مالوهش آخر
مديت إيديا لفوق
وناديت من جوه الصوت قولت يا رب…قولت يارب مديتلي إيد العون
أنا كنت غريق …
خدني الموج وشدني
قولت يا رب …
إتوجع القلب
برحمتك …فرحتني
ومحيت دمع العيون
…… …… …….
وآه علي الإنسان لما
تقسي عليه الأيام
وياه علي الأحلام
لما تضيع وكأنها
كان ياما كان ….كسرة قلب
لكن ما أحلاها
كلمة يا رب
بتفتح كل الأبواب
بتمحي الهم كإنه سراب
بتخلي الصعب يهون
كلمة يا رب لما تتقال
من القلب
بتملاه فرحه ونور وحب بتجددله كل الأماني
بتعيشه عمر تاني
بترجعه للحياه
لأحلام حلوه كان ناسيها …. قولها بصدق …قولها بحب …قولها دايما كلمة يا رب
