بقلم: وفاء يوسف
ومشيتي خلاص
يا أغلى الناس،،،،
وفتيني هنا وحدي
غريب الدار،،،،،
أشرب كاسات المرار
يا قلب كان مليان
دفا واصرار،،،،،،،،
يا شمس قادت عمرها
لنا قنديل،،،،،
حضن كان كله غنى
ومواويل ،،،،،
يا روح شربت لأجلنا
المرار الويل،،،،،
لأجل تعدي بنا بحور الليل
الحياة بيكي رغم ضيقها
يا أمي كانت رحابة،،،،
يا دعوة ف ساعات الضيق
من ربي مستجابة ،،،،،
خلاص يا أغلى الناس،،،،،،
مشيتي وضاعت مننا الجنة
وماتت فينا الحياة الحلوة
وعلى الضحكة وكام غنوة
يدوب عايشينها وبالعافية
وبتتسرسب دموعنا أنين
ماشين في الطريق تايهين
طريق عتمة ومليان ضباب
فيه الحلم صار تايه غريب
وقت الغروب لفه السراب،،
