بقلم دعاء عبدالسلام
والنبى الأخ اللى عمال ينفخ فى نار الشعلله وعامل فيها رومبو أحب أقوله… الهوجه حلوه لامثالكم والفوضى الموجوده بسبب جهلكم واستياعبكم وصحيح الفضى والجهل بقى سبوبه لشويه مرتزقة. .. عمركم ماتعرفوا النظام ولا إحترام النفس قبل الآخر مش شايفين غير سبوبه مغلفه بالدمار والتخريب. .. ركزوااااا شويه فى شغل شريف ده حتى الايد البطالة نجسه…. مصر مش هتبقى حته تورتة تتخانقوا عليها وتزايدوا عليها مصر لها رب كبير أوى جعلها آمنه. … وسخر ليها رئيس مش ملاحق ع قرفنا وبلاوينا وجعل لنا جيش من خير أجناد الارض و وفر لينا شرطه مفيش بيت فيكي يامصر إلا ولها ابن ولا اخ ولا ابن عم ولا خاله ضابط شرطه يعنى خدوا بالكم ضباط الشرطة مننا وأحنا منهم رغم أنف الجميع…. الإقتصاد ياأهل الإقتصاد ركزوا شويتين تلاته وفهمونا يعنى ايه الدولار بقى 9ج ويااهل الإعلام والصحافة خفوا شويه بلاش منشطات صارخه وولوله إحنا عوزين حلول مش تصعيد وتضخيم للأوضاع…. ويااهل السياسية في مصر قولوا لشعب تخطت فيه نسبه الاميه 45% يعنى إيه رئيس جمهورية كل مشكله فى ربوع مصر يتدخل فيها بشخصه حتى نداءات الناس البسيطه والغلابه بيرد عليها وبيقابلهم فهموا الشعب يعنى إيه رئيس،؟ فهموا الشعب ياأهل العقل والحكمة أن مشكلتنا الحقيقة مننا فينا؛ فهموا العام قبل الخاص أن بجد إحنا افورنا أوى وسوقنا العوج لحد ما السهم اتعوج. . ارحموا نفسكم وفوقوا وبلاش تعيشوا الوهم وأكبروا للكبير وارحموا الصغير وقبل مانعيب على غيرنا بصوا لأنفسكم صدقنوا هتلاقوا بلاوي تلهيكم عن الغير. .. قالوا علينا شعوب الحضارات والثقافات والتحديات وأحنا للأسف بنقول على نفسنا كلام كتير عيب مايصحش يتقال. …. ياأهل مصر فوقوا قبل فوات الأوان.
