وكيل وزارة الصحة بالدقهلية يزور مسشتفى أجا المركزى “الصور جميلة لكن الواقع قبيح”

وقد علق بعض الجماهير على الزيارة التى قام بها وكيل وزارة الصحة اليوم للمستشفى وكانت الأراء كالآتى . فى البداية تقول سعاد خليل السيد وكيل الوزارة لم يلاحظ أثناء زيارتة للمستشفى وهو بيمر علي المبني الجديد من قسم التغذية أن المكان غير آدمى بالمرة اللي الناس قاعدة فيه ولا دة مش قسم مثل باقي أقسام المستشفي ولا القسم دا مهدور حقة في كل حاجة ياريت حد من المسئولين ينظر لنا بعين الإيجابية من ناحية آخرى قالت لايوجد حوافز ولاكادر وفعلا مهضوم حقنا والله حرام كدة .

ويقول الأستاذ مصطفى شرارة مستشفي أجا عباره عن مستنقع أمراض واللي مستغني عن نفسه وعن أولاده يذهبوا المستشفى أنا ابني مات بسبب حضانه أجا والإهمال على أشدة ولا توجد أدوية والخدمة الطبية تكاد تكون معدومة ربنا ينتقم منهم وهناك كميات مهولة من الزباله في كل مكان وفي يوم اتخنقت مع واحد هناك بيقول لعامل علي النظافه في ورق بجوار باب الدخول قلت لة دعك من الموجود بالخارج خليك في اللي جوه الزباله علي السرير بتاع المرضي واكياس الزباله امام غرف العمليات يقولي انا عاوزها كده والناس اتلمت علي صوتى العالى ويقول انا مدير المستشفي وعايزها كده مش نظيفة ولا مدير الحضانه والميسات اللي بتشتغل في الحضانه لا يفقهوا شيئ حسبى الله ونعم الوكيل .

الأستاذ محمد على يقول الصور جميله ولكن الواقع قبيح ومؤلم مطابخ المستشفيات الكلاب الضاله لا ترضي ان تأكل فيها مهملة ليست نظيفة على الإطلاق كل هذه النظافه وكل هذا الترتيب والنظام بسبب زيارة المسؤول فقط وبعدما يترك المسئول المستشفى يعود الحال كما هو علية .

ويقول الأستاذ مندى بكر أكيد مش زياره مفاجئه دة والله حرام المرتبات اللى بياخدوها لأنهم بمنتهى البساطه بيعاملوا الناس بمنتهى قلة الذوق غير ان المستشفى لا تصلح غير انها تزود امراض الناس

الأستاذ مصطفى المهد علق ساخرا من زيارة وكيل الصحة قائلا دى كانت زياره مفاجأة ولكن بعلم المستشفى فقط .

الأستاذ محمد العشرى يقول مجهود ضخم و ملموس من الدكتور سعد وكيل الوزارة ربنا يوفق حضرتك و الي الامام دائما .