أهم الاخبارالأدب و الأدباءالثقافةالصحة النفسيةالمرأة
وسام خاطر تكتب عن الرباط المقدس و العلاقات الاجتماعية الناجحة
قد تكون أفكار خاطئة وعادات سيئة تعودنا ان تتحكم في حياتنا دون تفكير
قد تكون أفكار خاطئة وعادات سيئة تعودنا ان تتحكم في حياتنا دون تفكير .
و تسليط الضوء أمر واجب الآن لإنقاذ حياة قد تفشل بسبب عدم اكتمال الصورة الصحيحة
. لماذا نتخيل دائما إن ارتباط الأشخاص ببعض يعنى تحكم كل طرف في حياة الأخر.
مع العلم بأن لهم الحق الكامل في التدخل في أدق التفاصيل الخاصة ببعض
لأنهم ببساطة أرتضوا بكامل أرادتهم هذا الارتباط . ولا يعنى ذلك أن تكون أداة قتل وخنق لبعض . لا عفواً , لا يعنى ذلك معني الأرتباط. .
الأرتباط معناه خوف وحب وإهتمام وتشجيع كل فرد للتاني بإستمراره في مشوار نجاحه وإن يكونوا لبعض سند في الدنيا. هو يتباهى بها طالما أنها لا تفعل الخطأ ومتابعة خطوات نجاحها بطريقة لائقة ومحترمة . وهو أيضا يتابع نجاحاته بشكل مستمر ويطور من ذاته. أنكم تفرضون شروط للعيش ولقبول البعض بعد ما أرتبطوا دا مش صح.
المفروض أنتم عرفتوا وقبلتم ببعض علي كده. طالما لا يوجد شئ يخل أو يؤثر دينياً أو أخلاقياً في حياتكم. يبقي ليه بتحاولوا تخنقوا بعض. ياست البنات سيبه يخرج ويقابل صحابه ويقعد مع ناس غيرك. أديله مساحة يحس أنك مس مقيداه ماتبقيش خنيقة. هو أختارك زوجة أو حتي حبيبة , كده معناة أنه مقتنع بيكي وبيحبك وبيكون مبسوط وهو جنبك بس مش معني كده أنك تكوني طوق حوالين رقبته. أنتي تقدري كل يوم وطول اليوم تشربي عصير مانجو من غير ما تغيري. ينفع أكيد لا لأنك هاتملي. يبقي لازم التغير. أديله المساحة اللي هو حاببها علشان مايكرهكيش ويملك منك. وغصبن عنك برده هايخدها. يبقي اللي تقدري تعمليه برضاكي أعمليه بدل ما تتغصبي عليه. ثانية واحدة رايح فين أنت كمان
اي نعم دافعت عنك بس مش معنى كده أنك الملاك البرئ
لا أنت برده راعي أحساسها. أعرف أنها أخترتك دون الناس كلها. معنى كده أنها شيفاك وحساك ومليت كده دنيتها وأكتمل بيك أحسسها بالأمان والراحة النفسية. مش معني كده أنك تبقي سي السيد تشخط وتنر وتتحكم وتدووووس أوي لحد ما روحها تطلع. ماهو خد بالك حبها ليك كان أساسه الحنية والأمان اللي شافتهم منك. مفيش مانع تقنن بعض الأمور بس بالتفاهم. دايما خليك داعم ليها مش مانع . واقف في ضهرها وجنبها وأمامها كون الحماية اللي محتجاها. متخليهاش في لحظة تبص مش تلاقيك. أوعي تخليها تحس أنها لا شئ لأنها هاتفقد معني الحياة معاك. أديها مساحة تفكر وتقرر وتبلغك بقرارتها والله لو صح مفيش مانع تنفذها ولو مش عجباك أتناقش معاها. بس بهدوووووووء. الحنية والطبطبة مش عيب ولا تنقص منك شئ بالعكس بتزيدك في نظرها أوعي. ياسيدي دا ربنا عز وجل قال فيما معناه أن مفيش قلب طيب وشخص كان بيجبر قلوب الناس وهايخدل النار. ربنا حرم علي النار الناس الطيبة الحنينة اللي بتجبر الخواطر. فمبالك أنت بتجبر خاطر اللي أتخلقت من ضلعك وأقرب الناس ليك. هي الوحيدة اللي مسموح ليها المحرم علي غيرها بأمر رب العباد. أهدوا وحبوا وعيشوا. وبلاش فكرة اني أرتبط معني كده أني أموت الطرف الأخر. وقالوا زمان كتر الأسي يقطع عروق المحبة. أوصلوا بلاش تقطعوا…..
