وسام خاطر تقفز فوق الحروف بحكايات وحبشتكانات

حكايات وبنعشها كلام كلام كلام. كل يوم كلام بنقوله وكمان بنسمعة . حكايات وروايات وقصص وحواديت.

كل واحد فينا ليه حكاية بيحكيها عن وجع او ظلم واحتمال يكون تعب وممكن يكون عن الحب . بس ياتري كل الحكايات دي بتكون حقيقة أم من وحي خيالنا. في ناس من كتر ماهي موجوعة بتبدع في حكاياتها لدرجة أنها بتجردك من عالمك الخاص وتشدك لحكايتها وفعلا بتعيش فيها وبتصدقها وبتصدق معاهم وبتتحول لأنسان مغرم بيهم وبدنيتهم وبتحاول تسعدهم وتمحي عنهم هموهم وكمان ترسم ضحكة علي وشوشهم وبيكونوا دنيا خاصة أوي ليك بتعمل المستحيل علشان تسعدهم لدرجة أنك ممكن تهدر حق نفسك ويكونوا هما أساس كل بداية وكل كلام وكمان بيكونوا حياة. بس ياتري كل المجهود اللي بتقوم بيه بيقابلوه أزاي. هل هما مبسوطين ولا متضايقين ولا متلذذين بالمجهود اللي بتبذله علشانهم. وكمان هايقدروا تعبك وحبك وكل اللي بتعمله علشانهم. ولا هاتكون حكاية من ضمن الحكايات اللي بتمر عليهم وبيحكوها. حاولوا تكون أساس الحكاية وبلاش تكونوا محور من محورها. أصل الأصل دايما ثابت أما الفروع بتتغير. وكل واحد فينا ليه حكاية حياة. اه ياريت تقروا حكاويكم بهدوء وأتمعنوا في معانيها علشان توصلوا لنكهة الحكاية ومغزاها. بلاش تقروا القشور وتحكموا على الحواديت من صورة الغلاف. أصل المظاهر أحياناً بتكون خداعة. أحكموا بالعقل وحكموا القلب بلاش حكايتكم تخدكم لمكان ماتقدروش ترجعوا منه. أصل كل حكاية وليها نهاية وأنتم اللي تقدروا تحددوا النهايات بنائا علي البدايات. وكل جميل بيزين جماله في كلامه وتصرفاته. زينوا حكايات حياتكم بنكهة الصبر والبقاء والأستمرارية. لعل وعسى تتلون النهايات. حذاري تكونوا من الناس اللي بتكتب النهايات بحكمها علي البدايات.