قصيدة ” بركان جمال “

كلمات  : ضيا طحاوي

الذكريات بركان جمال
توب المحبه والألم

بعد ما تعدي السنين
والزمن ماشي في طريقة
وبإيدينا صور الحنين
لناس عاشوا بعمرنا
أهل وجيران وأصدقاء
ملامحهم ساكنه قلبنا
نرجع نفتش في الدفاتر
وإحنا عيال مغمضين
مين منا فارق واللي هاجر
واللي باعد خطوتين
حلوه جميله الذكريات
صورة ابدا ما تتمحيش
اجمل ما عدي في اللي فات
والقدر داير ينفذ خطته
وإحنا بنقوله بسكات
مسلمين وبإنتظارك
مستنين حتي الممات
آدامنا لقطات الفرح
بتصبر القلب الحزين
ع اللي نقص من وسطنا
وسابنا عايشين بالآنين

الذكريات بركان جمال
توب المحبه والألم