بقلم سلمي ابوسريس
ساعة خروج الروح يا امي
صعبه جدآ
قلبي وياكي اندفن
وحس بالوجع الأليم
وريحة الطمي
وشجره التوت
كات صرخه تطفي سراج الأمل
وضياع العقل
وكأن الجلد اتقشر من جسمي
روحي اتشرخت
زي الازاز
كل الأغاني بقت عديد
سوره لمريم
والمسيح
وكلام عن الجنه
عودي انحني
واتهدم ٢٠٠٠ جدار
سبتي الكلاب
وياالدياب
ياأم الكرم
والحكمه ماتت والعطور
طولنا زي عرضنا
راجعين معانا الإنهيار
صبحت هدومنا خلاص كفن
راح اعود لمين؟
الكل شاع
الكل باع
ادعي لي من قليك بقي
وحشاني يا امه
الأولي يا امه بتتخطب
والتانيه كمان
والتالته نجحت في العلام
والرابعه يا امه بتشبهك
اما الولد بشبه ابوه
لكنه دايما بالدعي
يرفع أيديه وقت الادان
شفتي السنين
ازاي بتجري بالأوي
أنا نفسي يا أمه أحصلك
