القاهرة , أ ف ق
قله حبنا في عيد الحب تذكرت مسرحيه المتزوجون لنجم الكوميديا سمير غانم وهو شاب فقير يحب بنت الناس الاكابر ويتزوجها ليعيش في نعيم اهلها وتذكرت مشاهد المسرحيه التي توضح الفرق بين الطبقات الاجتماعيه بنماذج بسيطه قله حبنا وحينما تداركت موقعي علي مكتبي تذكرت ان اليوم هو الرابع عشر من فبراير وهو موعد عيد الحب وانا مش فاهم ليه يعني يوم 14 هوه الحب ده يوم واحد في السنه بس طب باقي السنه نقضيها ايه شبشبه مثلا وما ان انتهيت من تفكيري حتي وجدت اصدقائي علي الفيس بوك يتبادلون القلوب الحمراء ومنشورات التهنئه وكأن الفيس اصبح حديقه الاسماك ولازم نحضن بعضينا فاغلقت الفيس بوك ونزلت من منزلي للبحث عن هديه لخطيبتي واحقاقا للحق ليس بمناسبه عيد الحب نهائيا فهي تستحق هديه مني كل يوم ولكن ادينا ماشين مع الموضه ولاني عقليه عمليه جدا استفزتني بعض المشاهد امام احد المحال م1 الشخصيه لطفل اه والله طفل لايتعدي سادسه ابتدائي او اولي اعدادي بيشتري دبدوب بسعر 350جنيه طوله اساسا واحد صاحبه بيسأله كل ده لهبه بتعت اولي اول قاله اه قاله طب والبت رشا قاله لا رشا هيه اللي هتجبلي هديه دخلت عليهم منذهل الصراحه قولتله بقولك ايه يا كابتن شوف لورشا مش تلزمك انا معنديش مانع اصاحبها قالي ياعم انت كبير رشا دي عيله قولتله ياعم طالما بتجيب هدايا انا هتغاضي عن موضوع السن قالي امشي ياعم الحج مفيش الكلام ده عيب قولتله عيب ايه ياعم اللي بتتكلم عليه اما عيل زيك يشتري هديه 350جنيه الغلابه اللي زيي يشتروا ايه قالي انت مقشفر خالص كده قولتله بايع الحديده اول امبارح قالي طب ماتعمل زيي قولتله بتعمل ايه قالي مصاحب 3اتنين بقلبهم في الفلوس وواحده بحبها وهيه اللي بتقلبتي قولتله لا ياعم الحج استغفر الله العظيم انا مش بتاع الكلام ده قالي خلاص غور من قدامي هتفضل تشحت كده قولتله شحات شحات بس علي مبدأ قالي طب خش اشتري اللي عاوزه كده وفرجني قولتله لا ياعم انا هعمل عبيط مش هشتري حاجه واتجهت لمنزلي م2 استاذ عبدالباسط جاري شايل ورد ولفه هدايا قولتله كل سنه وحضرتك طيب يا افندم قالي بمناسبه ايه قولتله عيد الحب حضرتك مش دي هدايا عيد الحب قالي حب ايه اللي انت جاي تقول عليه ده انا بهرب من البيت اساسا ثم مين ابن الجزمه اللي اخترع اليوم ده قولتله وربنا ما اعرف قالي انا كمان معرفش بس عموما دي هديه عيد ميلاد بنتي جنا قولتله ماشاء الله انت خلفت جنا الف مبروك قالي خلفت ايه ياعم هاني ده باعتبار ما سيكون قولتله باعتبار ما سيكون انت كداب يا استاذ عبدالباسط قالي ايوه ياعم انا كداب دي هديه عيد الحب الهي تتشل وتشرق وتموت وهيه بتشم الورد قولتله الله طب وايه جابرك يا عم تعمل كده قالي اه ما انت مش متجوز يا اخويه يا بختك قولتله ايه ياعم عبدالباسط امسك الخشب انت هتقر عليه ولا ايه قالي لا بس اما تجرب هتعرف بص هقولك المناسبه دي لو عدت وعملت فيها عبيط قدامك خيارين ملهمش تالت الخيار الاول هتتحدف من البلكونه بمجرد انك تفتح الباب ده لو مش شفوك من البلكونه فاضي وكهربوا الباب قولتله اعوذ بالله لا بلاش الخيار ده خش علي اللي بعده قالي الخيار التاني هتشوف يوم نكد مشفتهوش في حياتك وبرضو هترمي نفسك من البلكونه عشان ترتاح قولتله طب لو جبت الهديه لقيته بيضحك قوي وقالي هتتقي الشر وهتدلع اخر دلع بس شوف حد تستلف منه تاني يوم عشان تكمل الشهر قولتله بس حلو الخيار ده قوي امسك فيه قالي يعني انت موافق يا استاذ هاني بصتله بصه كده وانا مش فاهم غرضه ايه قولتله تقصد ايه يعني قالي تسلفني مبلغ كده لحد اخر الشهر قولتله يعني انت تدلع وانا اتنفخ يلا يا عم الحج اتاكل علي الله اشوفك طاير من البلكونه الصبح احسن سلاموا عليكوا م3 التليفون بيرن خطيبتي انا قولت يا لهوي اعمل ميت ومردش ولا ايه المهم قعدت تتصل بعدين رديتي الووووو _انت فين يا هاني في البيت يا روح قلب هاني _بتعمل ايه في البيت يعني مفيش عازم نفسي علي غداء _نعم يا اخويه انا مش مستريحه للموضوع ده قولتلها ليه بس قلبك ابيض كنت نايم _نايم ليه يا اخويه مش ليك واحده تسأل عليها يعني تقولها كل سنه وانتي طيبه ياقلبي ايوه ياروحي بس عيد ميلادك معايه في شهر 6 _لا وحياه امك بطل استعباط النهارده عيد الحب ايه بتتكلمي بجد _ايوه اعمل من بنها بقي فين الهديه يا عم الحج هديه ايه وعيد ايه انا معرفش غير عيد الام ومولد النبي والعييدين الكبير والصغير _لا يا اخويه وضيف عليهم عيد الحب مره في فبراير ومره في نوفمبر ما شاء الله عيد الحب الكبير والصغير صح _لا بقولك ايه بطل استعباط فين الهديه بدل ما احبسك هههههه تحبسيني علي هديه ماشي انا مش معترف بالعيد ده ليكوا عندنا المواسم المتعارف عليها _كده يعني ماشي يعني البت ساره صاحبتي تبعتلي صوره الورد والدبدوب اللي جبهم خطيبها وتغيظني وانت مش عاوز تجبلي هديه قولتلها طب خطيب ساره اهبل ابن كلب اعمل انا زيه ليه ثم مين قالك انه جبلها ممكن تكون صوره من النت عادي لا يا اخويه جابلها وانت كمان هتجبلي هديه بصراحه افتكرت خيارات الاستاذ عبدالباسط قولت اقصر الشر واجيب الهديه جريت ناعم شويه ونزلت اشتريت قله مياه وزخرفتها ولفتها ورحت البيت فتحت الهديه وبصتلي بصه كلها شر وقالتلي ايه ده قله قولتلها اه يا حياتي قله حبنا ودي كانت اخر جمله للمرحوم نرجو الدعاء له بالمغفره وكل عيد حب وانتوا طيبين نحب بعض الاول ونخاف علي بعض ونحس بالناس
