القاهرة . أ ف ق
انتبة من فضلك مصر ترجع الي الخلف
ببساطة وبكل خشوع قدر قلمك يكتبها .
ايوة قدرت اقسي علي القلم زي ماانتي خلاص بقيتي قاسية علينا انزلي الشارع واسمعي الناس اقعدي ع القهوة اركبي اتوبيس امشي في الشارع هتلاقي الحقيقة كدة كل حاجة زفت.
والبني ادم بس اللي رخيص اسعار بتعلي بتعلي بتعلي واحنا بنطاطي نطاطي نطاطي عملتو قناة وقلتو نعمل جمعية وكل واحد يقبضها مرة مفيش مشكلة صبح ياض علي مصر قلنا مفيش مشكلة اتبرع لمستشفي السرطان ومالة مستشفي الاورام ومالة عملتو مشروع اسكان مشفناش منة حاجة عملتو مشروع الالف فدان مشفناش منة حاجة قلتو فوضني عالارهاب قلت خد تفويض اهوة ولو ينفع اطوع خدني قلتو لا احنا هنقوم بالواجب قلتو احنا مع محدود الدخل وفعلا كنتوا معاة ولغيتو كلمة الدخل من الجملة خالص انا عاوزك تصبح علية ياباشا انا عاوزك تتبرع باي حاجة انا حالتي تصعب ع الكافر •
يابني فية اية اذاعة الشرق الاوسط فتحت جمب وداني اسكت سبني في اللي انا فية •
مالك يا بية وشك اصفر شبة المكرونة الباشميل كدة •
ولا حاجة ياسيدي البية وزير التعليم لغي امتحان الثانوية العامة قال اية اتسرب • طب يا باشا هوة فاشل واللي تحت منة فشلة احنا ذنبنا اية اقولك انا راجل شحات اهوة لو انا مش عارف اشحت واسبك دوري ع الزبون اروح اشوفلي شغلانة تانية اة والله •
انت صح بس تفتكر العيال الصغيرة دي هتتحمل القرارات اللي كل شوية دي • ههههههه تتحمل اية يا باشا دة كل عيل فيهم مربيلك شعرة وعامل دفيرة وعامل فيها بروس لي وفرصة مسلسل الاسطورة شغال وكل واحد هياخد حقة بدراعة •
ياااااة برضو المشكلة مش في كدة العيال نفسيا زهقت من التعليم اتعقدت يعني اول السنة الكتب تتاخر وياخدوها بعد بداية الدراسة بعشرين يوم والامتحانات تتسرب واللي مذكرش يبقي احسن منهم واللي ذاكر بقي حمار • بص يا باشا انهم يدعون لدين جديد عاوزينا جهلة مبنفهمش حمير ولامؤاخذة • يعني هوة انت كنت فهمت حاجة قبل كدة •
الراجل خطف الطيارة وراح قبرص بزمتك من ساعة القبض علية عرفت حاجة • الطيارة اللي وقعت وجابو الصندوق الاسود عرفت وقعت ازاي تيران وصنافير بتوعنا ولا مش بتوعنا حد قال بعد اذنكم هنبيع يا جدعان او هنتنازل عنهم عشان كذا كذا • طب بلاش دة كلة حد جة قالنا ظروفنا وحشة ومش لاقين ناكل ولازم نستحمل بعضينا لاء برضو مصر ام الدنيا وهتبقي قد الدنيا • طب يا باشا ما تشوفلي دنيا دي وتجوزهالي وانا اريحكوا اخر راحة • نعم انت بتهزر اذا كان الوزير بتاع التربية والتعليم مش عارف يشوف شغلة • حاسب يا باشا عيب الكلام دة الوزير شايف شغلة كويس الحمد لله طب دة غير اسم الوزارة الحمد لله وبقي اسمها وزارة الغش والتسريب • اة والله عندك حق عارف المشكلة حتي مش في الامتحان المشكلة اكبر هيطلع طالب فاشل يبقي عميد كلية فيما بعد والطالب المجتهد هيتعقد ويبقي بواب • واشمعنا بواب يعني انت عاوز تكتر جمهور الزمالك علينا ياعم ما الشغل كتير اقولك يشتغل في المطابع الاميرية •
المطابع الاميرية ايوة فاكر انت حكاية مرسي وشفيق كانت المطابع الاميرية • فاكر انت موضوع مجلس الشعب ٢٠١٠كانت المطابع الاميرية • مجلس النواب برضو المطابع الاميرية • امتحانات الثانوي برضو المطابع الاميرية • المنظومة بيدرها فاشل فاكيد المكنة هطلع حنكورة وعلي فشة وابو دومة وعكوة • اية ياعم البلاعة اللي فتحت دي دي اسماء عصابة مش طلبة • عارف انت صعبان علية عارف لية •
ايوة يا باشا عشان شحات واهبل • لا عشان انت مش عارف حاجة مصر بترجع للخلف • يالهوي طب حاسب لتخبطني وخلية يبص في المرايات ويضرب تلكس • تلكس اية الله يخرب بيتك مصر ترجع الي الخلف عارف العيل الصغير كرهها من فشلهم وجهلهم الفلاح ساب ارضة تبور من عمايلهم وجشعهم بيدولوا كيماوي واسمدة بتمن المحصول طب يشتغل فيها لية المخزون بتاع القمح ع الورق حاجة واللي في المخازن حاجة نصة اتباع ودخل بطنهم مستشفيات زي ٥٧٣٥٧عاوزك تروح عند الباب العلاج بالمجان واتفرج ع المهازل اسكت يا بني خليني ساكت وخلي بالك اللي بيرجع بظهرة ممكن يدوس عليك اللهم مابلغت اللهم فاشهد
