نغوشة مشاعر ,,, للكاتبة مروه محمود
وحشني حضنك وضمته بين ضلوعك وحشني احساس الامان بوجودك وحشني روحك لروحي تحسها وحشني هدوء نفسك ونبضات قلبك وحنينك وطبطبتك وهمسك… مفتقداقك اوي مش عارفه احسها غير بيك انت علمتني احبك وان اشوف الحياه بعيونك واحسها بروحك روحي متعلقه بروحك انت نفسي ومرايتي وديما كنت اشوفك فيهم ومازلت احسك بيهم انت النور ل قلبي وعقلي وروحي انت العمر بيك ومفيش عمر بعدك .. وحشني وانت بتسمعني وعيونك بصالي بكل حب حته لو كنت بتكلم في شيء ونظرات عيوني ليك وانا فرحانه حته في خناقاتنا وفي اخر بنتكلم عادي كأن مفيش اي خناق بينا ولما اقولك مش مخصمني تقولي وبعد مانتخاصم هنتصالح يبقى مفيش ليها معنى خصامنا .. انت جميل بكل ما فيك عصبيتك حبك حنيتك روحك تسامحك … جنون حبك 
