انشرو الحب فى يوم الحب
لا يقتصر معنى الحب أن يكون بين رجل وامرأه
لازم ننشر الحب فى كل حاجه ،
زى حب الاخوات ،حب الاصحاب ،حب الزمايل ، حب الجيران .
الحب مش بس حب راجل لست بالعكس ممكن يوم عيد الحب
دا بيقرب كل الحبايب من بعض لو اخوات زعلانين من بعض ياريت يتصالحوا فى يوم عيد الحب ويبان حبهم لبعض .
لو اهل بينهم زعل بردو يتصافوا ويبان حبهم لبعض .
ليه مختصرين عيد الحب على راجل وست ؟
فى حب اعظم بكتير واحلى وعلى فكرة حب الاصحاب ممكن يبقا اقوى بكتير من حب العشاق .
وليه دايما رابطين الهديه بثمنها وقيمتها الماديه .
ممكن وردة بسيطه وتبقا اغلى هديه معنويه ممكن رساله رقيقه ومعناها اغلى من اى مادة .
فكروا فى معنى الحب نفسه مش فى فكرة هتجيب ايه للى بتحبه وبكام .
ممكن تتجمع مع اسرتك وتفاجأهم بحاجه بسيطه ممكن تفرح كل اسرتك .
خلينا نرجع لزمن الحب ،
احنا فقراااااء فى الحب لاننا دائما نراه من اتجاه واحد وبننسى المعنى الحقيقى الجميل اللى بيوصل للقلوب
الحب دا وعشان تقدر توصل الحب دا لازم تكون متسامح مع نفسك وفاهم يعنى ايه محبه ويعنى ايه فرحة القلب .
انشروا الحب لان كل انسان فينا قلبه محتاج للحب بس للحب الحقيقى
، الحب النظيف الصافى اللى مليان مشاعر رقيقه بتوصل للقلب فى لحظه .
الحب مش عيب ولا حرام
لكن الفكرة انك ازاى تبين الحب دا من غير اى اغراض ولا استغلال باسم الحب .
ما اسمى ان تحب وقلبك ملىء بالحب والصدق .
والحب مرتبط بالصدق ولو مش صادق من جواك يبقا عمرك ما هتعرف تحب
انشروا الحب حتى تصبح القلوب بها رحمه .
انشرو الحب حتى ينبض القلب بفرحه .
انشرو الحب حتى يرى قلبك النور.
انشرو الحب لان الحياه من غير حب زى الارض الجافه
لا يرويها ماء ولا تثمر وتموت من الجفاء.
انشروا الحب بجد الحب الصادق .
انشرو الحب فى يوم الحب
