وبين الخطوة والخطوة سقوط حتمى
طبيعيى لابد يحصلى
لجزء مهم من عمرى
لأن الخطوة مش ثابتة
ساعات الخطوة بتسرع ساعات واقفة
تزيد الخطوة ف الاحلام وفى الواقع تقف ساكتة
فى قصة حب يدق القلب
على دقاته تقوم ترقص
ف لحظة حزن او حرقة بتتنكس
ساعات تكون كما الطفلة
تنط النطة والنطة وتتمرجح
وتنسى انها عاجزة
كتير جدا بتتجرح
وكل طريقها بالاشواك متسلح
ومرة يمين …ومرة شمال …فتترنح
بسرعة قوام تشد الحيل تخاف من لحظة السقطة
لا يجى اليوم تكون عارجة..
ويبقى سقوطها سقوط حتمى
