بنتألم و بنتعذب ونزور الأطبا
وأتاريك أنت يا حبيبي سر الألم
بناكل ونشرب ونضحك
لكن ربنا أعلم باللي أحنا فيه من شجن
يوم ما رحت يا حبيبي
حسيت أن اللي مات ولدي
ده أصعب جرح جرح القلب
وأصعب آه أنين القلب
وأصعب شئ فراق الأبن
يا ولـــــــــــــــــــــــدي
وعشان مفيش واحده
تستاهل الطيبة اللي في قلبك
ربنا أهدي لك بنات الحور
يا أغلي الناس يا ناصر
يا حبيبي ياللي قبرك نور
مكتوب ليك الجنه وموعود بيها
خليك فيها سعيد مسرور
يا بختك ربنا وهبلك فيها
بدال القصر قصور
واللي يحب يوصلك ويجيلك
يكون زيك لازم له
تأشيره وباسبور
مختوم برضا الرحمن
صوره سور قرآن
صاحبه في قلبه إيمان
سجداته في قيام الليل
حامد , شاكر, لو رزقه قليل
متوكل , ويقول تساهيل
راضي دايما , صحيح , وعليل
مفيش في قلبه غل لحد
يسبح دايما ويقرا الورد
وفلوسه عمره ما يحسبها
ولا ليها يعد
عايشها بالبركه , ويقول
أهي أيام وتعدي
أيديه فرطه , وكان بدال ما ياخد دايما يدي
يارب صبرنا علي بعادك
وشيدي حيلك يا أمي
شدي
