كتب اسلام البحراوى
لا لا لا حضرتك دا مش كلام البحراوى
دا كلام برنامج ابله فاهيتا
برنامج ابله فاهيتا اللى زيه زى عشرات البرامج اللى مفيش مسئول مهما كان منصبه قادر يوقف المهزله دى عند حدها
فى حلقة يوم الخميس من برنامج ابله فاهيتا
عملت تقرير بتسأل فيه الشباب عن الموظفات اللى بيشتغلوا فى وظايف حكوميه وبياخدوا رشوه
واعطوا رمز للموظفه دى انها يكون اسمها عفاف
( رمز جاى من العفه ) كرمز لكل موظفه مرتشيه جوا المصالح الحكوميه
يبدأ التقرير بسؤال الشباب تعرف مدام عفاف؟؟
يرد الشباب .. هو فى مصلحه حكوميه مافيهاش عفاف
السؤال التانى .. السؤال التانى يا رجالة مصر
السؤال التانى يا كل راجل امه او اخته او مراته بتشتغل موظفه فى اى قطاع بالدوله
السؤال التانى يا ريس ياللى ولادك موظفين فى الدوله وقد يكون زوجاتهم كذلك
السؤال كان :
لو مدام عفاف رفضت تاخد منك رشوه فلوس وقالتلك مش هأكل عيالى حرام
انما طلبت منك ان الرشوه تكون حاجه استغفر الله العظيم ؟؟؟ توافق؟
فيبتدى الشباب ( اللى بيأجره البرنامج ) يجاوب
اللى يقوله حسب سن مدام عفاف وجمالها .. واللى يقوله مادام مش هتاخد رشوه فلوس انا موافق
ولما واحد فيهم رفض .. المذيع قاله ليه .. دا انت هاتدى مشاعر بس مش فلوس
اما السؤال التالت يا شعب المفروض عنده هه ( نخوه ) !
لو مدام عفاف طلعت متحوله جنسيا ترضى تمارس معاها العلاقه كرشوه بدل الفلوس؟؟؟
** دا اللى بيتقدم يا شعب
دا اللى بيتقدم يا رئيس الشعب
موظفات مصر بيتعمل عليهم تقارير عن رشاوى جنسيه ؟
امهاتنا وقرايبنا واخواتنا وزوجاتنا اتحولوا فى ثانيه لعاهرات !!
** كالعاده المتحكم فى العروسه ( فاهيتا ) حب يسبق هو الاول
ففى نهاية الفقره عرضوا كلام انتصار عن ضرورة مشاهدة افلام الجنس
وقالت ( فاهيتا ) على لسان من يحركها عاوزين يقفلوا برنامجى لانى قبيحه
طيب انتصار اهى قبيحه
بكره بعد الحلقه دى يقفلوا البرنامج زى ما قفلوه لباسم يوسف
** السؤال بقى
هل ممكن ولو لمره نشوف موووواطن مصرى عادى مش صاحب شهره بيرفع دعوى قضائيه على من يحرك تلك الدميه لاسترداد حقه فى شرفه وكرامته اللى اتهان لما مراته او بنته او اخته اتقال عليها بتطالب برشوه جنسيه ؟؟
** لحد امتى .. لحد امتى هاتفضلوا سايبين مصيرنا فى القضايا بيتحكم فيه الساعين وراء الشهره امثال المحامى سمير صبرى اللى بيجرى ورا الشهره والاخر طلع محامى نجلا مطربة الحصان .. ولا المحامى نبيه الوحش اللى بيتكلم عن الحشمه والاخلاق والادب والدين والشرع وبيرفع قضايا على الفنانين والاخر راح يقعد فى حلقة فى برنامج انتصار الجنسى .. وكان بيتكلم عن قوته وهو متجوز اتنين وزى الحصان !!
** نفسى مره يخرج منكم .. من وسطكم حد دكررررر يظهر ويقول انا اهو
انا رافض
لكن .. كالعاده هاختمها بالمعتاد :
من امن العقاب .. اساء الادب
سلاموا عليكوا
E>E
Eslam Elbahrawy
