محمد شفيق
إستغاث المهندس وائل رجب رشاد عبد الدايم والمقيم بمدينة السنطة التابعة لمحافظة الغربية باللواء أحمد ضيف صقر محافظ الغربية من مسئولى المدينة ومسئولى سلخانة السنطة الكائنة بجوار أرضة بقيامهم بمرور مواسير الصرف من داخل أرضة إلى مصرف سماتاى مما أدى لتبويرها وعدم صلاحيتها للزراعة تماما” كما بالصور التى إلتقطتها عدسات الجريدة
وقال فى حوارنا معه: الأرض دى المفروض إنها زراعية ركبوا هما المجارى كده عافية من كام سنة وكل شوية تنسد والارض تغرق طبعا” كده كده مفيش محصول فبطلنا نزرع الارض وحاولنا نستخدمها لأى غرض تانى زى تخزين السباخ مثلا منفعش برضو لأن أغلب أيام السنة الأرض بتغرق ولما نروح نقولهم تعالوا سلكوا المجارى لا حياة لمن تنادى لغاية ما احنا نسلكها أو يحصل اللى يحصل مش فارقة معاهم وحاولنا نقولهم كذا مرة لما المجارى العموميه دخلت البلد إنهم ينقلوا عليها عملوا ودن من طين وودن من عجين وقالوا ملناش دعوة شوفوا مجلس المدينة واحنا هجرنا الارض وسبناها عشان مش عارفين نستفيد منها باى حاجة.
فى النهاية طالب بأنه لايريد إلا قيامهم بنقل تلك المجاري من أرضه إلى المجارى العمومية فقط وخصوصا” أنهم يرتكبوا إثما” أكبر برميهم بتلك المخلفات بمصرف سماتاى
