دكتور/عامر عبد الفتاح
بعد السلام والتحية سألني إيه أخبار القرية ؟ قلت كله تمام موتوسيكلات وتريسكلات واحدث السيارات واحدث المباني ووسائل الاتصال الحديثة كلها في يد الجميع ثم سألني وأخبار التجارة و الزراعة إيه إحنا بلد زراعي من قديم الزمان ؟؟ قلت له المزارع مات بالحياة والحكومة خلاص مافيش في حسابها فلاح حتي مقعده في البرلمان أصبح ماضي خلاص وطيب حد بيروح يمر علي زراعته في الصباح وبعد العصر قلت ياعم ان راح عاوز مصاريف بنزين للسيارة وكمان الصحبة اللي معاة طيب والحمير خلاص قلت له ياعم دا الحمار لازم يركب سيارة من السوق لحد الباب وأصبح مكلف أكثر من السيارة كمان. وإيه أخبار التعليم قلت مافيش خلاص والمجانية أصبحت ماضي !!!!!!!!!
سالني إيه رأيك عاوز اسكن في القرية بين أهلي وناسي وأنت عارف الغربة معاي مبلغ من المال ممكن يكفي ويزيد قلت له أنت عاوز قيراط ارض ب 300الف جنية وعشان تبني كدهم كمان ومصاريف الزواج 100 ألف يعني علي بعض 900 ألف جنية !!! فتعجب قائلا يعني ارجع الغربة لمدة خمسين سنه كمان ولا أروح القاهرة واشتري شقه تمليك وأشوف عروسه وكده ممكن اشتغل كمان ويمكن التكاليف اقل من ثلث هذا المبلغ وعلي الأقل الغربة صعبة ولكن بعيد عن الدوشة !!!!! ثم سألني بغتة سؤالا وإيه أخبار السوفت في عقول الناس فسألته تقصد أية قال يعني البني ادم شبيه بالتليفون المحمول فيه جزء سوفت والعدة بتاعته واقصد بالسوفت أفكار الناس أتغيرت ومثل زمان قلت سؤال صعب والله الواقع صعب وكل واحد مركب في دماغه السوفت اللي يريحه يعني الحياة أصبحت سوفتات ثم تركني منفعلا وهو يردد التعامل مع الواقع كمن كان يعيش حلما جميلا ثم يستيقظ علي صوت انفجار ولابد أن يعيش الواقع
