كتب / رؤوف قـــنـــش
أمراض منتشرة مثل الربو والفشل الكلوى والسرطان وضيف التنفس يعانى منها سكان طلحا والقرى المجاورة بسبب الإنبعاثات التى تخرج من مصنع سماد طلخا الكيماويات والنشادر والأمونيا كلها مصطلحات ولكنها قاتلة المكان يقع فى كتلة سكنية وتم الشكوى أكثر من مرة للمسئولين محافظ الدقهلية ووزارة البيئة وأيضا الإستثمار ووصل الحال للشكوى لرئاسة الجمهورية والأهالى تقول لاحياة لمن تنادى واللى بنبات فية بنصبح فية الحل مفقود والأمراض فى تزايد مستمر .
إقتربنا من الأهالى ومعرفة رأيهم والمعاناة التى يتكبدها هؤلاء الأهالى والأراء كانت كالأتى .
فى البداية يقول الأستاذ ذكى على هي طلخا بس ولا السماد بس ماتشوفوا الدخان اللي مالي البلد من حرق الزباله بجد حرام كده هو محدش شامم الدخان لو المحافظ هو أو إبنه عنده حساسيه ويعرف الدخان بيعمل فيهم إيه كان شاف حل بتوع النظافه ولا اللي بيحرقوها عايزيين إعدام احمد ماهر محرقه ومدخنه دخان حسبي الله ونعم الوكيل فيهم .
الأستاذ مختار سالم يقول كنت معدى امبارح العصر فى طريقى لنادى القوات المسلحة بطلخا وشاهدت مداخن المصنع الشاهقه تخرج كميه هائله من سحب الدخان المدهش أن كان لون الدخان.اصفر وأعتقد ف حدود معلوماتى انه معناه أنه معبأ بالكبريت ومواد كيماويه أخرى للأسف لم أتمكن من تصويره كنت سايق فين البيئة من ده ؟ حياة الإنسان ولا لها اى قيمه للأسف.
ويقول الأستاذ محمود وائل ومع العلم كمان إنة وأقسم بالله وعن معرفه إن إللى بيستلم وظيفه فى المصنع دا بيقسم لى انة عارف انة هيموت بسببة وهوة عارف بحاجه زي كدا وأضاف لكنة مستسلم للوظيفه وقسما وبالله معظم العمال إللى إشتغلوا فيه ومامرضش بسبة لاحفاظ على إللى شغالين فيه ولا على إللى عايشين حوليه نحن فى مأساة والله العظيم .
الأستاذ أيمن المغازى يقول ارخص شيء في مصر هو الإنسان للأسف الشديد ودة عادة الشعوب المتخلفة لذلك لا عجب .
ويقول المهندس حمادة فاروق أنا ساكن قدام نادى الداخليه ولما بيحصل التفريغ دة مابعرفش أنام إطلاقا خصوصا ان مزاجهم يعملوا التفريغ دة الفجر والله حرام .
ويرد الأستاذ محمد عادل على كلام المهندس حمادة قائلا أنا بقى فى وش المصنع بالظبط قريتى قدامة مباشر ومقدرش أوصفلك الجو بيبقى عامل إزاى وإللى يدايقك إن ماحدش عايز يتحرك علشان نص الى ساكتين شغالين فيه .
الأستاذ محمود فكرى يقول انت عارف بيت المحافظ فين المقابل للمصنع والكهرباء يقدر يقول حاجه احلم يا برنس وسيبنى أحلم .
ويقول الأستاذ نبيل غزى إشتغلنا فى المصنع ٣٦ سنة والحمد لله لم نصب بأذى ولا يوجد إنبعاثات للغاز إلا نادرآ فى حالة التوقف المفاجئ مثل إنقطاع الكهرباء وقامت الشركة بعمل وحدة لتوليد كهرباء لضمان عدم إنقطاع الكهرباء وأضاف كما يوجد داخل المصنع إشجار لا حصر لها وأيضا يوجد جناين داخل المصنع .
