كان زي حلم
رافض يموت
قايم يثور
من قلب نور
بيعدي سور
ثابت مكانه كما الجذور
غارس في طين
جامد متين
حالف يمين
مايد تقدر تقلعه
أو يندفن
كان حلم عايز يكتمل
عايش حياته ف قلب
بيشيع مماته
شايف ملاك
من بين هلاك
بيشد إيده وينجده
من عتمة الغرق اللي شاف
منه براكين القلق
خايف وجواه الوجع
يعتصره عصر
قصه لحلم
تايه وحيد
ف وسط نار
قضبان حديد
بقفص أسير ، عايز يطير
يعبر حدود
ويشق ليل بشعاع حرير
وشمس نورها بيتولد
راسم طريقه بينتصر
كان حلم بيعاند سقوط
جواه ظلام علِّم خطوط
في قلبه نار ، بركان وثار
الحلم قايم للنهار
بيقوي روحه
لينتحر
