شعر : هالة محمود
( إسكندرية )
على مسافات الزمن
ما بين آهة والتانية
بتترسم تكشيرة
تتحفر في ثانية
دا جبين ولا خريطة؟!
كانت للعبوس بانية
الشق فيها غياهب
جافة من المية
قالوا الحزانى زمان
الحزن له صوت
قلت الوجع دا كمان
صوته من الموت
القلب فيه أوعية
حمرا ف وقت الفرح
ولون الزراق طينة
تسري ف وقت الترح
وتختفي الأحلام
تتبدل بالكوابيس
ندعي على الأحزان
يطسها أتوبيس
تزعل من الدعوة
وتقول وأنا مالي
جبين ومتزوق
بأيادي عزالي
لو ع الجبين دا وشم
حله في مية نار
لو ساحر حط الرسم
صفي معاه التار
وامحي دي المسافات
والآهة والتانية
الجب فيه شروخات
والمزقة في ثانية
اقتل في دي الحية
وخد سمها ترياق
يتحول بديتها
شراب كما الدرياق
