اللى يعيش ف الدنيا يشوف
واللى اتجوز هيشوف اكتر
هيعرف معنى وطعم الخوف
ف عز الدهر نجومه هتكتر
انا ياخواتى جبته لنفسي
كنت بعيش دنيتى بدماغى
اتجوزت اتسدت نفسي
وعقلى اتشال من وسط دماغى
بحس ان انا متجوز قاضى
دايما ضاربه البوز شبرين
لازم تعرف فى التفاصيل
ورايح فين وهقابل مين
ولا فضولها ياخلق ياساتر
بقيت انا منه باخد ساتر
دايما راشقه معايا العين
كل شويه تقول تعبانه
عايزه خروجه انا زهقانه
سويتنى يعالم ع الجنبين
كل يومين تخلق موال
حالى ياخلق اتقلبت حال
نفسى ارتاح منها ساعتين
