شعر / عاصم السمان
النهاردة جاى اهنى
جاى أقول مبروك يا امى
جاى أخلى الفرحة تبقى
فرحتين وارقص واغني
جاى أقولك فاكره يا مة
لما كنت ف يوم سبوعى
لما دق الهون با أسمى
والجيران قادوا شموعي
فاكره يا امة
لما كنت أبكى بدموعى
وانتى واخدانى ف حضنك
ما تناميش وتقاسى لوعى
بعد دوخة كبرت يا مة
وابتديت افرد قلوعي
وسط ماية موجها عالى
الهوى مزق ضلوعي
كنت ياما كل همى اكبر وأعينك
لجل أخلى البسمة تفضل
فوق جبينك
لجل احفظلك شقاك ودمع عينك
والنهاردة رجعت ياما أوفى دينك
بعد غربة عشتها بينى وبينك
إهداء من الشاعر المصرى عاصم السمان إلى كل أم والى كل اخت والى كل صديقة لأنها فى النهاية أم
