كتب باسم غنيم ما يلى يعتبر كرأى شخصى قد يتفق اليعض معى وقد يختلف البعض ولكن يجب على الجميع الأدراك وأمعان التفكير فكل شخص لة حريه الأعتقاد والتشبث بما يراه من أراء .. بالرغم من كل ما تحمله وسائل الاعلام المصرى من التليفزيون والجرايد وحتى السوشيال ميديا للمواطن المصرى أجدنى أرى هدفا واحدا فقط يسعون أليه ألا وهو سد أذن الجميع وعدم الحديث عن أى أخبار او بأختصار المطلوب اننا منشوف حاجه خالص مع توضيح هام أنى مش بقلل من أهميه دور السوشيال ميديا اللى جمعت ناس مع بعض وجابت اجابيات كتير وفضحت ناس أكتر بتلاعباتهم الخفيه بس بجد الناس بقت فحيرة تصدق الخبر المنشور أو المسموع وممكن تتناقش فيه أو حتى تساعد لو الخبر يخص حد محتاج مساعدة ولا تستنتى التكديب اللى بقى يتم فى أقل من 24 ساعه للخبر ..
وحابب ذكر شئ كمثال حبيت بنفسى أجربه وهو مشاركه العديد من الشباب اللى سمع وشاف خبر مساعدات الشؤن الأجتماعيه للشباب بقرض جمعيتى القرض اللى بيدى من 50 الف حتى 100 الف جنيه بفايدة 5.5 % وكانت الشروط المعلنه بالنت والتليفزيون وكل الوسائل المتاحه هى
1/ السن من 21 حتى 45 سنه
2/ مؤهل متوسط فما فوق
3/ أن لا يعمل المتقدم بالقطاع العام أو الخاص
4/ ادى الخدمه العسكريه
5/ صحيفه الحاله الجنائيه
6/ لا يكون عليه قروض أخرى
7/ عقد أيجار لمحل لايقل عن 30 متر ومدة لا تقل عن خمس سنوات
وكانت دى الشروط الى مطلوبه واللى هى سهلة جدا بالنسبه لكتير من الشباب بس لازم عند الحكومه أن تجد شئ خفى وغير معلن وكان دة سبب فزيارتى لمكتب الشؤن والذى مقرة بشارع ناصر الثورة من شارع الهرم محافظه الجيزة قدمت بطاقتى واخدت استمارة مليتها واسنيت دورى عشان ادخل اقابل موظف يقولى أى المطلوب ولما جه دورى ودخلت عرض الموظف لأئحه مقدمه من الشركه القابضه بها مواصفات تشطيب معينه للمحل وهى عبارة عن 13 بند وطبعا العادى طلبت أنقلها الموظفه أعتذرت فسأذنت أصورها بالموبايل برضو أعتذرت فقلتلها مطلوب منى أحفظ 13 بند للتشطيب يعنى ولا ايه المهم ومش هطول الرد العادى فالهيئات الحكوميه والله أسفه الأوامر كدة ممنوع تكتبها أو تصورها بس قدرت أصورها فيديو وأنا بتكلم معاها وأليكم المفاجأت بها
من الشروط حتى لا أطيل عليكم
(دهانات داخليه سكيب وواجهات رخام جرانيت أخضر هندى سيراميك الأرضيات بألوان اليافطه والنجارة من الخشب الموسكى مع كاونتر رخام نوع سيسليا سمك 4سم ) النسخه موجودة للأطلاع ولعدم التشكيك …
فالمجمل بقول للموظفه مواصفات التشطيب تتعدى مبلغ 30 ألف جنيه وأذا بأبتسامه جميله منها ورد ايوة فقلت واللى معاة 30 الف أو حتى 20 الف يشطب بيهم محل هياخد القرض ليه وليه بدل مالناس تيجى متمش الأعلان عن الشروط دى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وشكرا
ودة كان نسخه عما ينشره لنا الأعلام المصرى من تناقضات
