كتب:-خالد الجارحي
نشرت أسماء علي، زوجة المحامي المعتقل في قضية مصرية تيران وصنافير، مالك عادلي، رسالة له من محبسه عبر صفحتها على موقع “فيس بوك”، عبر فيها عن سعادته بمجهودات مواطنين يجمعون وثائق تؤكد مصرية الجزيرتين اللتين تنازلت عنهما مصر للسعودية بموجب اتفاقية ترسيم الحدود البحرية.
نص الرسالة:
“بالرغم من قسوة التجربة بس الحمدلله علي نعمة الحلم الغالي اللي مينفعش يتفرط فيه والامل الموصول بالحق والعدل والحرية اللي مسيرنا هنشوفها يوم ما.
طريقنا اللي اخترناه للدفاع عن كل اللى شايفينه حق لازم نكمله وعارفين ان احنا هندفع تمن غالى على كل موقف وكلمه فى مواجهة العبث والظلم، وبكل شجاعة هنتمسك بكل أحلامنا، وعلى قد ما أنا زعلان إنى محضرتش قضية تيران على قد ما كنت بأطير من الفرح وأنا بتابع المجهود الكبير اللي كل المواطنين عملوه لتجميع وثائق تؤكد مصرية تيران وصنافير وإظهار كذب رواية الحكومة وتابعيها، كان نفسى أكون فى المحكمة يوم الثلاثاء القادم 21 يونيه عشان أسمع حكم تيران وحكم الزام الدوله بالسماح للمحامين بالدخول لمقر نيابة أمن الدولة لممارسة عملهم، بس أنا متأكد إنى اشوف الجلسة بعنيكم ومتأكد إن كلكم هتكونوا هناك بتحضروا الجلسة
