ماجستير وعاطل

بقلم / احمد وهبى
الصورة توجع اى حد عنده ضمير بصو وشوفو الحسرة اللى في عيون شباب طاهرة بتحب البلد نفسهم ياخدو فرصتهم بصو على عنيهم وهتلاقو مليون الف كلمة ممكن تتقال من نظرة صمت فيها اليأس عنوان كتاب .
حكم النيابة اﻻدارية يترمى على اى حيطة وﻻ كأن هناك أحكام اﻻ اﻻحكام اللى تعجبهم وتيحى على هواهم .
دعونا من هرطقات الثوار ونفكر لو تم إهمال العلم والشباب فبماذا تنهض اﻷمة ، هل تنهض على الواسطة والمحسوبية ، وهل أبناء الذوات هم فقط سينهضون بالوطن ، فلماذا نحن نعيش على هذا الوطن.
ﻻ رئيس يلقى باله للشباب وﻻ حكومة تقدر اﻻحكام ، وﻻ نواب يدافعون عننا ، لنا الله بمصر .
مجلس نواب بيدور على قروض لاعضاؤه وسفريات ومافيش اى جديد.
رئيس الوزراء لصق على الكرسي ولم ينهض من عليه أبدا ، ومنذ وقت توليه الحكومة ونحن نعاني من ارتفاع أسعار وحكومته ﻻ تشعر بالمواطن البسيط وكل همهم انهم يمصوا دم الناس .
رئيس الجمهورية نحن انتخبناه نعم انتخبناه ، ولكن لم يلقى باله على الشباب ، واعتماده اﻻساسى على حكومة نعزى أنفسنا عليها ، متى تشعر بالشباب ياسيادة الرئيس .
سايبين الشباب دى واقفة فى عز الحر وانتو داخل الصالات المكيفة طبعا مش صالات البرلمان للاسف لانكم مش بتخرجو كلكم خايفين من الحر .
لكن الشباب الطاهر اللى اهله طفح دم قلبة واقف بيتعذب علشان يشوف نفسه وسط الضلمة اللى انتوا واخدين النور بتاعها لنفسكم وبس
انا متضامن مع الشباب دى لانهم المستقبل الحقيقى للبلد انتو كلها ودورة واحدة وهتمشو هتترمو على الرصيف محدش هيعبركم .
لكن اللى باقى هما الشباب والشباب فكره
والفكرة مش هتموت
انا متضامن مع ابناء مصر من حملة الماجستير والدكتوراه الغير معينين ليهم حقوق زى زملائهم اللى كانو قبل كدا