كلمات ابو الحجاج الشاعر لو لم اكن بهواكى ياحبيبتى انا لوددت وف زعفران ترابك ياغالية واتمرمغت ده انتى الهوا والدوا ده انتى الغرام والعشق ................................. لو لم اكن بهواكى مين تانى راح يهوى يستحمل جراحك ويصبر ويرضى ويعيش ف احزانك وامله يجي بكره .......................... لو لم اكن بهواكى طب ادينى مستنى لحد ماتقبلينى وتوافقى وتحنى ما اهو مين هايقدر غيرى عاللى اطلب منى ................................. مطلوب اعيش مسجون فى عشق محبوبتى بدون امل تهوانى ولا يتسمع صوتى اشرب كاساتك مر تسقسنى بزياده تنزل دموعى تبر وانينى بقى عاده فى حبها اتذليت وانا ال ابن اصول وبذلها انا رضيت ماانا قلبي بيها مشغول لو جيت ف يوم فكرت ابعد بعيد عنها الاقى روحى احترت وارجع لاحضانها تحضنى وتطبطب واديها تجرحني تضحكلى والضحكه جوايا تدبحني ده العمره كله عشانك صابر وبتحمل تسقينى مر الكاس وانا برده راح اكمل مكتوب عليا اعيش وتعيشى جوايا مهما ف عذابك شوفت ما هقولش انا كفاية اتلذذى واتشفى ف عذابى وجراحى لو ده اللى بيريحك اتبسطى وارتاحى عمرى ما هتكلم لحد ما تحني ولو ما حنيتى انا برده مستني بابي ما هقفلهوش وسايبه انا موارب ده انا طير فى جو سماكى وف بحرك انا قارب وفحبك الميئوس علشانه راح احارب
