اسليدرالأدب و الأدباء

لوم نفسك

كلمات : محمد حسانين

قبل ما تلوم ع البلد واللى فيها
لوم على نفسك ما انت واحد من اهاليها
وسيبك منى ما لكش دعوه بيا
ابدأ بنفسك وكلمة الحق فـ صوتك عليها
مصر دى ارض وزى ما ىتزرعها تطرح
لو زرعتها خير …
الزرعة تكبر وتفلح …
لو كنت بالشر انت زارعها …
يوم حصادها عمرك بيها ما تفرح
هومين بيجنى الزرع غير صحابه
ومين يوم القيامه بيقرأ غير كتابه
بنموت احنا والوطن بيعيش
ومحصولك فى سوق الاوطان
ياأما بيساوى او ما يساويش
يعنى بيك او بلاك البلد دى لازم تعيش
لازم تعيش ………
خلاص آن الاوان نصحى ونفوق
ونرضى بالقدر وبالمكتوب
وندى لبعض من تانى الامان
ونبطل نمشى بالمقلوب
صعبان عليا حال الوطن صعبان
وقلوب كل يوم تفارق قلوب
آن الاوآن نلم الشمل من تانى
واللى راح من العمر مش محسوب
يا أخويا يا صاحبى يا أبن بلدى
انا عايزك وقت الشده
فى دهرى تساندنى
وبلاش اعاند وانت تعاندنى
من اجل سلطه او حتى جاه
يلا هات يدك فى يدى
مره عندك ومره عندى
تمشى بينا المراكب وتعدى
ونوصل انا وانت لبر النجاه
من حق البلد دى علينا
تسهر علشانها عنينا
وفى النار نمدلها ايدينا
ونوصل بيها لبر الامان
مش نسوء الحال فيها
ونصعب على بعض لياليها
ومن البلاد اللى حواليها
نطلب الاحسان
فبالله عليكم …
ان وصل كلامى اليكم
فأشفقوا بالوطن
يشفق رب السماء عليكم

محمد

زر الذهاب إلى الأعلى