لك الله يامصر

كتب / باسم غنيم

زياره مسؤل تخلى الناس تكره اليوم اللى تم دعوتة لمصر

النهاردة ومن صباح ربنا والحكومه بتستعد عشان المسؤل رايح زياره كام مكان كدة و ايه بقى عالصبح من الساعه 8 الطريق مقفول من أول ميدان الجيزه لحد القلعه عشان تقريبا نسيوا يبلغو الناس متمشيش مالطريق دة وتخيلو بقى كم الناس اللى طالعه من الهرم والمنيب وكل المناطق المجاورة واللى شغلها فالقاهرة طبعا عالصبح كله كان بيسب ويلعن فأم المسئول وأم الزيارة المنيله اللى جت على دماغ الناس .. ما علينا اللى وصل شغله وصل واللى زهق رجع تانى على أساس ان ساعتين ثلاثه بالكتير والموضوع ينتهى بس للأسف الحكومه أسف قصدى اللى بيبلغوا الناس نسيوا برضو أخر النهار أنهم يبلغو الناس أن المسئول رايح جامعه القاهرة تقريبا وطبعا عشان الراجل يحس أن البلد رايقة قفلو الطرق المجاورة للجامعه والله من الجيزه لحد السيدة عائشه والعكس وزى الصبح كدة الناس فضلت تسب وتلعن فالمسئول وزيارته المنيله .

وفالأخر ياسادة يامسؤلين لو مع كل زياره هتعملوا  فالناس كدة يبقى خلو الريس يقابل المسئولين بره مصر لحد ما تتعلمو أزاى تنسقوا الزيارات ومكرهوش الشعب فنفسه…..