لغة العيون

ماتقولش على لغة العيون …
لغه تشوفها بالف شكل والف لون
فى عيون تشوفك تشتاقلك …
وعيون لوحدها تندهلك
وعيون تشوفك تتجاهلك
وعيون ما بتشوف غير طيفك
وعين فصولها تكون صيفك
مع الربيع تلقي خريفك
وعيون عليها يصعب حالك
وعيون تلاعب في جنابك
تسرح ورا ضل خيالك
وعيون تموت في الغيبه عنها
وعيون تشوفها تناديلها
من غير ماتسأل بتجيلها
وبسرعه تفرش منديلها
وعيون تلاقي نفسك فيها
قافله عليك ننى عنيها
وليك بتسهر لياليها
وعيون مكاره يا خساره.
. دا ربك اللي عالم بيها
وعيون بتعزل في شباكها
لكل من كان حواليها
وعيون بتتونس بعنيك
مايحلي ليلها الا بيك
تلاقيها خايفه تملي عليك
لغه العيون اسرار وحوار
ياجنه هاتعيش في ربيعها
ياتبعدك وتكون في النار …
بقـــلمـــي: فــاطــمــة عــقــل