لسه خمسين

بقلم : عبير التميمي
لسه خمسين
ليه يابنتي هي بقت ميتين جنيه
أيوة يا مدام دى أوامر الدكتورهتدفعي ولا أشوف إلي بعدك
خدي يابنتي ربنا موجود
الواحد تعب من كتر ما بيكرر كل يوم نفس الكلام لكل إلي يجي يكشف
أصل يابنتي محدش بيحس بالنار اللا إلي مسكها. كل دكتور ربنا أنعم عليه بنعمه العلم بيتاجر بنعم ربنا في الدنيا ونسي أخرته
يا مدام ده دكتورنا أحسن من غيره ده في فيزيته وصلت تلاتميه وربعمايه
لا حول ولا قوة الا بالله العلي العظيم
والله ما هينفع حد فيهم حاجة يوم القيامه
بالعكس هيتسالو علي كل جنيه خدوه من وجع العباد ظلم وأستغلال.
أصل يا مدام كل ما الدكتور يزيد في مكانته العلميه لازم يزود الفيزيتة. ودكتورنا أخد ترقيه وبقي أستاذ دكتور فلازم يبقي زي زملائه هو مش أقل منهم كلهم زودو الفيزيتة. وبعدين مفيش حد بيغصب عليكي تدفعي أو علي حد.
هه والله كلامك عكس بعضه
أزي يا مدام
يابنتي إلي يزيد في العلم يزيد تواضع وقرب
لربنا مش يزود فلوسه ودعوات ناس غلبانه عليه محتاجة لعلمه بدل ما تدعليه تطلع تبكي داعيه عليه علشان معهاش تمن الكشف.
هو يعني زود كام ده كلهم خمسين جنيه
يابنتي عندك أنتي بسيطه في غيرك بيشتغل
طول اليوم علشان ياخد الخمسين جنيه يأكل ولاده. ممكن مش فارقه معاكي ولا معايا بس تفرق مع ناس كتير.. يلا وأنتي ذنبك أيه أدوشك
ولا يهمك يا مدام أنا بقالي شهرين ويمكن أكتر
بيتقالي نفس الكلام وأكتر. وإتعودت
ربنا يقويك ويحفظك
أتفضلي يا مدام الدور عليكي.
أخير الحمد لله
السلام عليكم.
عليكم السلام. بتشكي من إيه
والله يا دكتور مش قادرة أقف عل.
إتفضلي على سرير الكشف
يا دكتور في وجع عاو
خلاص يا مدام إتفضلي أنا عارف هتقولي إيه
بس يا دكتو
إتفضلي الروشته دي تجي فورا من صيدليه
( ) دي الوحيدة إلي بتوفر الأدويه الي مش موجودة. وهاتيلي العلاج أشوفه دلوقتي
حاضر يا دكتور
الأستاذ عليه الدور أتفضل
فين يا بنتي الصيدليه دي
دي في الشارع الي ورنا علي طول قريبه
متنسيش تجيبي العلاج يشوفه الدكتور
حاضر يا بنتي

لو سمحت عاوزة كل العلاج الي في روشته
كده تمن المضاد والحقن وجميع الأدويه. 106‪5يا مدام
نعم حضرتك متأكد 106‪5
معلش راجع تاني
حاضر بصي معايا كل إلي في الروشته وضربنا في السعر مظبوط يا مدام
بعد إذنك خالي نص الحقن بس وشريط من كل علبه
كده الحساب خمسمايه وتلاتين جنيه وغيرت نوعين برشام نفس المفعول بنوع مصري مش مستورد تمام كده ولا في حاجة تانيه هتشيلها
لا كده كويس كتر خيرك
جبتي العلاج يا مدام
أيوة يا بنتي ياريت توريه للدكتور أحسن انا خلاص مش قادرة من كتر التعب
ثواني بعد الكشف ده هدخله بإذن الله لما تاخدي العلاج تكوني أحسن
كتر خيرك يا بنتي
الدكتور بيقولك لازم تجيبي العلاج كله ومن غير تبديل زي ما كاتب النوع المستورد كده مش يكون كورس مظبوط.
لا حول ولا قوة الا بالله. ربنا المستعان. إزي بتقبل كل ده من عباد ربنا. يعني بتقنع نفسك إن الدقيقتين إلى مصدق نفسك فيهم إنك كشفت
يستهلو كل الفلوس الي بتخدها بإسم الفيزيتا والعلاج المستورد والله أنت والي زيك باع آخرته بدنيته الزايله. حسبنا الله ونعم الوكيل في هذه
الفئة المستغلة في جميع نواحي الحياة