لسعة عذاب
مستنياك وقت الهوا
ترجع بذنب
سيباك بتحلم بالهنا
تسكن بدرب من الخيال
ترجع بكرب
حتي الصحاب متفرقه
أيام يروحوا ويرجعوا
بين الملامه والعتاب
بيضيع معاها حلو اللقا
لسعة عذاب
جوه البيوت
كاتبه لها بيت
نكتم دموعنا م الإشتياق
ع اللي راحو لحضن السما
ويا أقدار الفراق
ونعيش حياتنا متقسمه
اخلص بروحك وبرضاك
كنز الحكاوي ضياع لعمر
وخلي بالك من صفاك
متسيبش نفسك للألم
أخرج لنور رباني
جواك يغسلك
وإياك تقول إيه العمل
لتلاقي نفسك بين دوامات
توهة وآمل
مفضلش ليك هنا أو هناك
غير
لسعة عذاب مستنياك
