بقلم : نادية البسيونى
تجينى يمين
تجينى شمال
تقول ناسيانى
آه ناسياك
ومش فاكراك
ولا عارفاك
ولا اتمنيت فى يوم رؤياك
ولو هديت هضاب وجبال
هااكون تمثال
ولا الصوان
ولا اتهزش
ولا اشغل بال
ولو مرِّيت هااسُك الباب
وهااعمل نفسى مش شايفاك
ولا متابعاك على -الفيسبوك-
ولا رصداك على -الواتساب-
ولو لفيت سبع لفات
لا لوم لا عتاب
لحد الشمس ماتعدى
والاقى ورود على الشباك
ساعتها عيونى تبقى معاك
