مستحيل انسى

بقلم : يسري مطاوع

مستحيل أنسى جنونك
واللا أنسى بيوم حنينك
وابتسامتك فوق شفايفك
والقمر من فوق جبينك
مستحيل انساك لحظة
من حياتي
واللا أنسى بيوم فيكي
ذكرياتي
واللا قربك والسعادة يوم
لقيتها
وانت فيها كل حاجة
بحكاياتي
ابتدينا نعرف ايه هو الهوا
نعرف نحسه لما نكون سوا
لما نضحك بابتسامة
لما نلتقي دون ملامة
وبعيونك أشوف حياتي كلها
اشوفها جنة بالهنا
مفروشة ورود لنا
أنت فيها معايا
ومعاكي بس انا
وقتها تعرفي انت أيه
وبحبك كمان أد ايه
من زمان وأنا بخبي
وكمان بداري ليعرفوا
مني سر حبي
إنك انت هية انت
اللي بقلبي بخاف عليه