كتب/وائل عادل ….
اليوم احتفل انصار مبارك بعيد تحرير سيناء امام مستشفي المعادي …الفصل الاول
اليوم احتفل انصار الرئيس عبد الفتاح السيسي ببيع الجزرتين صنافير وتيران حاملين علم السعوديه فقط مرددين الجزر سعوديه بالعند يا اخوانجيه…الجزء الثاني
اليوم نزل بعض شباب مصر اعتراضآ علي بيع الجزيرتين وتم تفرقتهم بالغاز والجاز وحبس احدهم الفصل الاخير
نبتدي الكوميكس بقا
اولاد مبارك فاكر لما فخامه الريس السيسي طلع قال مبارك خربها ومش عارف كان هيورث فيها ايه ….طيب انت ازاي سيساوي بقا …عروستي
عزيزي مؤيد الرئيس سيسي انا بشكرك جدا والله علي رفع العلم السعودي يوم احتفالنا بتحرير سيناء وكما قال صديقي ابو جوليا انا بحمد ربنا انك ماولعتش في علم مصر ودوسته برجليك والله دا كرم كبير منك
عزيزي الثائر اللي نزل النهارده علشان معترض علي بيع الارض ياعم احنا عندنا نواب بتشرع قوانين وهيا الفيصل وامبابه والجيزه وشارع الهرم ومادام صوتوا ليه نازل تتحبس بس اعمل هندي وارفع علم اسبانيا وقول علي بلدك اساسها ايطاليه واهو الزهر هيلعب معاك ومع اهلك
اقسم بالله بعد كل مانراه من مسخره يراودني شك اننا كشعب لو اعترضنا علي اتفاقيه كامب ديفد ليخرج انصار الريس حاملين اعلام اسرائيل علشان يغيظوا الشعب المفروس علشان ارضه
ولسه الابداع مستمر والله
اللهم وحد كلمه المسلمين ووحد صفوفهم واجمع المصرين علي كلمه واحده هيا الحق والعدل
اللهم اضرب الظالمين بالظالمين واخرجنا من بينهم سالمين
ومصر شالت فوق طاقتها يرضي مين
هاه يرضي مين ياعمو عبفتاح يرضي مين
