كتب/وائل عادل منسي………..
بدايتنا بنحب نرحب بكل اللي باعوا الارض والعرض ونقولهم ربنا يخسف بيكم الارض ….قولوا انشالله
نبتدي بقا الكوميكس بص ياسيدي انته وهيا …ولا سيدكم الا انا … هنلخصلك هري الفيس وتتويتاتك وانسجرامك وكمان نوصف اجرامك ونقول الكلمتين!!
الناس اللي تملي مع الملك ومفيش في لعبتها كش ملك …اثبت انت بتحافظ علي ارضك وعرضك ياسعودي سيسي
بالنسبه لكل اللي دعوا لجمعه الارض والعرض في بيان رسمي عبر جمعيه او حركه وحزب !!! وكانوا طول الوقت يوم الجمعه قدام التليفزيون والراوتر مستنين اذاعه اي مسيره !!! احب اقوله اتنيل يا اهبل الاعلام معاك وهينقلك الحاجه دي اعاده …وفي الاعاده هتلاقي كل المصرين شايلين خريطه بتثبت ان الجزرتين من حق السعوديه وبتمان !!! وساعتها ما تغضبش
انت كمواطن تعبت صراحه في دفاعك عن الارض والعرض؟؟؟ كفايه انك كلفت نفسك ميجا بايت ونشرت فيس لما هريت الفانز وصدعتهم ….ولا تويتر وهشتاجك وقت الصلاه وبعد الصلاه يوم الجمعه وانت بتقول انزل وقاعد تقشر سوداني وتقزقز لب !!! احب اقولك فيسبوكك وتتوينك رجعتنا ورجعتنا ارضنا تصدق ؟؟؟
علي الجانب الاخر فيه ناس نزلت وكل اللي نزل هدفه الارض والعرض!!!! بس زي ما فيه ناس نزلت فعلا كل الناس دي اختلفت علي مين اللي نظم الدعوه الاخوان ولا الناصرين ولا الاحزاب اجمع !!! وكل واحد استخدم اسلوبها بقا في اقناع الدنيا ان كل اللي نزلوا كانوا فصيله بس !!!!
بالنسبه لكل اللي نزلوا احب اقولهم شابووووه ليكم لكن انسي انت منتمي لمين غير بلدك وعرضك ووطنك لو تعرف معني الوطنيه والارض والعرض
نقلب الطاوله بقا ونطلع ضحكاتتا الساخره الشريره …..
اياك تنسي ان الملك سلمان طلع قال ان السيسي اداله الجزرتين نظرا لما يقدمه لمصر وبقا شكل السيسك اندر وير …حبايبي السيساويه مبروك بتشجع اندر ههههههههههههههههه ضحكه صفرا
عزيزي الاخوان اياك تعتقد ان كل اللي بيعارضوا السيسي هيبقوا في يوم من الايام اخوان …لا فيه ناس جاحده عارفه السيسي ايه وانتوا ايه وهنفضل حاطين عليكم لاننا همنا بلدنا مش حزب وجماعه…فمتتعشمش الشجره تطرح بلح لانكم جميز …هههههههههههههعه ضحكه ساخره
عزيزي السيساوي …خليك بقرن عجل ومقتنع ان اللي بينزل الشارع ارهاب وان اللي ضد السيسي اخوان وممول وقابض …هتفضل بقرون وهتموت بقرون لحد مايقبض عزرائيل روحك لانك عاش الملك مات الملك ….هههههههههههه ضحكه سافله
اخيرا نختم كوميكسنا ونذكر السيساوي
فين احمد شفيق وياتري العمره خلصت وياتري لما كنت هتموت نفسك عليه وكنت عامله حامي الحمي النهارده بتطلعه ايه ياناقص !!!! طيب لما يجي اللي بعد السيسي هتعمل ايه مع السيسي هتفضل بقرون ولا هتتبع تعليمات اللي جاي !!!
اخيرا اوعي المسخره اللي بتحصل دي تخليكوا تعتقدوا ان دي اخر مصيبه وكارثه هتحصل ….لا اللي جاي لسه اكتر …وبكره يطلع خازوق سيساوي ينسيكم خازوق الجزرتين اللي بصراحه اكلتوا دماغنا بيه وماصدق الكثيرين يلاقي حاجه يمط فيها ….بكره يطلع كابوس تاني وتنسوا زي مانسيتوا…زي مانسيتوا….زي مانسيتوا….تعالوا نفتكر
بلطجه الداخليه والحالات اللي ماتت !! بطلت تتكلم ليه!!؟؟
وزير الزراعه ….بطلت تتكلم ليه حتي لو خد حكم انت كنت نسيته اصلا
هشام جنينه ؟؟؟؟ مش كان رمز الاسبوع قبل الطياره وقبرص وقبل دربكه شهيد الزاويه الحمرا وقبل فتاه المترو اللي اتحرش بيها امين سلطه…وقبل وقبل وقبل وكل جديد تمسكوا فيه وتنسوا قديمه …
انا بقا تركت لكم الجميع تتذكرون منه ماشئتم وتحفلوا عليه بطريقتكم …وتمسكت بشئ واحد خطابات الرئيس اللي دايما بتطلعني عن مووود الاكتئاب بعد غياب خطابات المرحوم زنقه زنجه والواد بتاع الكهربا وعزيزي شيمون بيريز….
صحيح مصر مش مقامها جزمه ياميسي راحت فين!!!! طيب بالنسبه لبيكيه اتبرع بحزمه وتشيرت بردوا …مش هتتكلموا علي دي بقا
ومازلنا نواصل مذيدا من الهري والظيطه نراكم في كوميكس اخر
#كاتب_اولا_ساخر_ثانيا_مصري_دائما
