كتبت/غاده دويدار
كنت فكراك حد غيرهم
كنت عندي كل حاجه
كنت سيدهم
كنت سيد كل الرجال
كنت فوق كل البشر
كنت غالي وأغلى
عندي من حياتي
كنت عمري و فرح
قلبي
تضحك كل الدنيا
في عيني بتضحك
و أما تتكلم كنت
بسمع صوت طرب
و ألقى قلبي يدق
باسمك
كنت لما تقول بحبك
قلبي يسبقني
يقولك و انت عمري
و أغلى عندي من
حياتي
كنت توعدني بحنان
كنت توعدني بأمان
كنت أصدق
أصل قلبي عمره
ما كدبك
كنت اشوف نفسي
بعيونك ألقى روحي
احلي واحده فى دي
الدنيا بحالها
كنت عندي ضهري
سندي
كنت كل حاجه عندي
ليه مُصر بعد كل الحب
دا تهدني
ليه بتمحي صورتك
الحلوه في عنيها
ليه تضيع مني فرحي
ليه بتسرق السعاده
من ملامحي
ليه مُصر تبقى عندي
حد عادي .
يالي كنت عندي
سيدهم
يالي كان حبك حياتي
و أغلى عندي
مهما كنت عندي غالي
لازم ابعد قبل ماتموت
ذكرياتي و يا منك
أصل يعني لا هتبقي
واقع و لا تبقي ذكرى
كتير عليا
سبلي حاجه اعيش
عشانها .
